Գրեթե բոլորին հայտնի 60 կրեդիտանոց ծրագիրն ուսուցիչներին հնարավորություն է տալիս մեկ տարվա ընթացքում հավաքելով 60 կրեդիտ ստանալ ավագ ուսուցչի կոչում։ Շատերին է հետաքրքրում, արդյոք Ախալքալաքում ևս հնարավո՞ր է օգտվել այդ ծրագրից:
Այս հարցը պարզելու համար Jnews-ը զրույց ունեցավ Սամցխե-Ջավախեթիի համալսարանի ռեկտոր Մակա Բերիձեի հետ, ով իր հերթին ասաց․
«60 կրեդիտանոց ծրագիրն Ախալքալաքում ևս գործում է․ առաջինը՝ այն ուսանողների համար որպես մայնոր ծրագիր է գործում և ուսանողները կարող են այն ընտրել և ավարտելուց հետո ունենալ վրացերեն լեզվաբանի որակավորում և որպես ավագ ուսուցիչներ դասավանդեն դպրոցներում։ Բայց ինչ վերաբերվում է ոչ թե ուսանողներին, այլ հենց ուսուցիչների վերապատրաստման ծրագրին, եթե կազմվի խումբ և ցանկություն լինի անցնել այդ ծրագիրը, ապա մենք Ախալքալաքում այն կիրականացնենք, եթե խմբում լինեն 10-15 ուսուցիչ»:
Ստորև ներկայացնում ենք այս ծրագրի հետ կապված հաճախ հնչող հարցերը․
Ի՞նչ է իրենից ներկայացնում ուսուցիչների վերապատրաստման կրթական ծրագիրը
Ուսուցիչների վերապատրաստման կրթական ծրագիրը բարձրագույն կրթական ծրագիր է, որի բովանդակության մեջ հաշվի են առնվում ոլորտային բնութագրերով որոշվող պահանջները։ Ծրագիրը ապահովում է, որ ուսանողը ձեռք բերի գիտելիքներ ուսումնական գործընթացի հիմնական դրույթների մասին և կարողանա իրականացնել հաջող մանկավարժական պրակտիկա՝ առարկայական գիտելիքների հետ արդյունավետ ինտեգրման միջոցով:
Ի՞նչ իրավունք է տալիս ուսուցչին ուսուցիչների վերապատրաստման կրթական ծրագիրն ավարտելը
Ուսուցիչների վերապատրաստման կրթական ծրագիրն ավարտելուց հետո անձին տրվում է դասավանդելու իրավունք։ Բակալավրի, մագիստրոսի և (կամ) համարժեք գիտական աստիճան ունեցող անձինք, ովքեր ստացել են ազգային ուսումնական պլանին համապատասխան առարկայական խմբի գիտական աստիճան՝ դասավանդելու իրավունք ստանալու համար, պետք է հաջողությամբ ավարտեն ուսուցիչների վերապատրաստման կրթական ծրագիրը։ Հանրակրթական հաստատությունում որպես ուսուցիչ աշխատանք սկսելու դեպքում ուսուցիչների վերապատրաստման կրթական ծրագիրն ավարտած անձը՝ ավագ ուսուցիչն է։
Ո՞վ է իրավասու ուսուցիչների վերապատրաստման կրթական ծրագրին մասնակցելու
Ուսուցիչների վերապատրաստման կրթական ծրագիր անցնելու իրավունք ունի առնվազն բակալավրի կամ դրան համարժեք գիտական աստիճան կամ համապատասխան ռազմական/մարզական մասնագիտական կրթություն ունեցող անձը։ Ուսուցիչների վերապատրաստման կրթական ծրագրում ընդգրկվելու հիմքերն են՝
ա) առարկայական քննությունը հաջողությամբ հանձնելը
բ) բարձրագույն ուսումնական հաստատության կողմից սահմանված քննությունը հանձնելը
Քանի՞ կրեդիտ է ներառում ուսուցիչների վերապատրաստման կրթական ծրագիրը
Ուսուցիչների վերապատրաստման կրթական ծրագիրը ներառում է 60 կրեդիտ և դասավանդվում է առնվազն 1 ուսումնական տարի:
Ի՞նչ փաստաթուղթ է ստանում ծրագրում ընդգրկված անձն ուսուցիչների վերապատրաստման կրթական ծրագիրն ավարտելուց հետո
Ուսուցիչների վերապատրաստման կրթական ծրագիրն ավարտելուց հետո տրվում է ուսուցիչների վերապատրաստման վկայական:
Ո՞ր համալսարաններն են առաջարկում ուսուցիչների վերապատրաստման ծրագրեր:
