2023 թվականի Թափանցիկության ինդեքսի համաձայն՝ Վրաստանը 54-րդ տեղից տեղափոխվել է 17-րդ տեղ աշխարհի լավագույն 20-յակում։ Այս մասին տեղեկատվությունը տարածում է Վրաստանի կառավարության վարչակազմը՝ հղում անելով Եվրոպական հակակոռուպցիոն և պետականաշինության հետազոտական կենտրոնի 2023 թվականի Համաշխարհային թափանցիկության զեկույցին՝ «Թափանցիկությունը պատերազմի ժամանակ»:
Ըստ կառավարության վարչակազմի՝ Վրաստանն առաջ է անցել ԵՄ 15 անդամ երկրներից և G7-ի 4 անդամ երկրներից թափանցիկության համաշխարհային վարկանիշում, մինչդեռ այն հավասար է այնպիսի առաջադեմ երկրներին, ինչպիսիք են Ֆինլանդիան, Շվեդիան և Միացյալ Թագավորությունը:
«Վրաստանն առաջ է Կանադայից, Գերմանիայից, Ճապոնիայից, Իտալիայից, Շվեյցարիայից, Իռլանդիայից, Իսլանդիայից, Դանիայից, Չեխիայից, Պորտուգալիայից, Մալթայից, Ավստրիայից, Լեհաստանից, Հունգարիայից, Իսրայելից, Հունաստանից, Բելգիայից, Լյուքսեմբուրգից, Նիդեռլանդներից, Ավստրալիայից, Կիպրոսից, Հարավային Կորեայից:
Ինչ վերաբերում է Եվրոպական հակակոռուպցիոն կենտրոնի հրապարակած «Պետության ամբողջականության ինդեքսին», ապա այն մնացել է անփոփոխ, և Վրաստանը 6,72 միավորով աշխարհում զբաղեցնում է 32-րդ տեղը:
Ցուցանիշը գնահատում է երկրում կոռուպցիայի նկատմամբ վերահսկողությունը, ընդ որում՝ ավելի բարձր միավորը ցույց է տալիս կոռուպցիայի նկատմամբ վերահսկողության բարձր մակարդակը, իսկ ավելի ցածր միավորը ցույց է տալիս կոռուպցիայի թույլ վերահսկողությունը: Ցուցանիշն ուսումնասիրում է լավ կառավարման պրակտիկան, դատական համակարգի անկախությունը և մամուլի ազատությունը, վարչական բեռի մակարդակը, ինչպես նաև կառավարության հաշվետվողականության և թափանցիկության ցուցանիշները:
Զեկույցը հիմնված է ՄԱԿ-ի, Համաշխարհային բանկի, Համաշխարհային տնտեսական ֆորումի, միջազգայնորեն ճանաչված այլ կազմակերպությունների և գլոբալ գնահատող կազմակերպությունների պրոֆիլային ուսումնասիրությունների և զեկույցների վրա: Ծրագրին աջակցում է ԵՄ Հետազոտությունների և զարգացման յոթերորդ շրջանակային ծրագիրը»,- ասված է կառավարության հաղորդագրությունում։
Տեսեք նշված հղումով՝
https://corruptionrisk.org/transparency/
