Շանթ հեռուստաընկերության «Ազգային երգիչ» նախագծի գալահամերգների փուլի մեկնարկը տրվեց անցած կիրակի, որտեղ ելույթ ունեցան նախագծի ժուրիի անդամների կողմից ընտրված 13 ֆինալիստներից 6-ը, մյուս 7 ֆինալիստների համարները կցուցադրվեն հաջորդ կիրակի փետրվարի 26-ին, ժամը՝ 20:00-ին, Շանթ հեռուստաընկերության եթերում:
Ծալկայից Հակոբ Օհանյանը նույնպես նախագծի ֆինալիստներից է: Նրա ելույթը մյուս 6 ֆինալիստների ելույթների հետ միասին կցուցադրվի կիրակի օրը՝ փետրվարի 26-ին: Որպեսզի Հակոբ Օհանյանը մնա նախագծում կարևոր է աջակցել նրան, քանզի քվեարկության ժամանակ որոշիչ կարող է լինել յուրաքանչյուր ձայն:
«Յուրաքանչյուրի աջակցությունը հիմա շատ կարևոր է, դրանով է որոշվելու կմնամ նախագծում թե՞ ոչ: Մեծ հույսեր եմ կապում ջավախահայության հետ, հույս ունեմ Ջավախքը կկանգնի իմ կողքին, Ջավախքն իմ թև ու թիկունքն է», – JNEWS-ի հետ ասաց «Ազգային երգիչ» նախագծի ֆինալիստ Հակոբ Օհանյանը:
Ըստ նախագծի կանոների՝ այս փուլից սկսած որոշումները կայացնելու է հեռուստադիտողը, քվեարկելով իր նախընտրած մասնակցի օգտին: Նախագիծը կլքի այն մասնակիցը որը քվեարկության արդյունքում հավաքել է նվազագույն ձայներ:
Հեռուստադիտողն իր նախընտրած մասնակցի օգտին կարող է քվեարկել նախագծի ցուցադրման ավարտից անմիջապես հետո, մեկ ժամվա ընթացքում: Քվեարկելու համար գալահամերգի ավարտից անիմջապես հետո պետք է այցելել National singer/ազգային երգիչ նախագծի ֆեյսբուքյան կամ ինստագրամյան էջեր, այնուհետև պետք է սեղմել հղումի վրա, էլեկտրոնային նամակ գրել նշելով այն մասնակցի անուն ազգանունը, ում օգտին ցանկանում եք քվեարկել և հաստատել: Հարկ է նշել, որ նախագծի կայքէջին ուղարկված նամակները կմնան անպատասխան, իսկ քվեարկությունը կճանաչվի անվավեր: Այն հեռուստադիտողները, ովքեր Թիմ Տելեկոմի, Վիվա-Մտս-ի, UCom-ի բաժանորդներ են կարող են հաղորդագրություն ուղարկել 4449 կարճ համարին՝ նշելով նախընտրած մասնակցի հերթական համարը, յուրաքանչյուր հեռախոսահամարից հաշվվելու է մեկ ձայն:
Հիշեցնենք, որ Հակոբ Օհանյանը Ծալկայի շրջանի Օզնի գյուղից է, նա հաղթահարել է Հայաստանի «Շանթ» հեռուստաալիքի «Ազգային երգիչ» երաժշտական նախագծի լսումների և Թատրոնի փուլերը և ժուրիի ընտրությամբ հայտնվել է ֆինալում:
Այս թեմայով կարող եք կարդալ նաև՝
Ծալկայից Հակոբ Օհանյանը «Ազգային երգիչ» նախագծի ֆինալում է
