Ազգային վիճակագրական ծառայության տվյալներով՝ ընթացիկ տարվա 10 ամսում Վրաստանի տնտեսությունն աճել է 10 տոկոսով։
Վիճակագրության ծառայության տվյալներով՝ 2022 թվականի հոկտեմբերին, նախորդ տարվա համապատասխան ժամանակահատվածի համեմատ, իրական համախառն ներքին արդյունքի աճը կազմել է 8,3 տոկոս։
Ըստ Վիճակագրության ծառայության՝ աճին զգալի ներդրում են ունեցել հետևյալ ոլորտները՝ շինարարություն, տրանսպորտ և պահեստավորում, ֆինանսական և ապահովագրական գործունեություն, հանքարդյունաբերություն, հյուրանոցներ և ռեստորաններ, արվեստ, ժամանց և հանգիստ։
Բացի այդ, ըստ Վիճակագրության ծառայության, նվազման միտում է նկատվել վերամշակող արդյունաբերության և անշարժ գույքի հետ կապված գործունեության ոլորտներում։
