2022 թվականի օգոստոս ամսին Վրաստանի սահմանը սահմանային կետերով հատվել (մուտք, ելք) է 2 276 302 անգամ։
Այսպիսով, սահմանը հատածների 23%-ը կազմել են Վրաստանի, իսկ 77%-ը՝ օտարերկրյա քաղաքացիների տեղաշարժերը։ ՆԳՆ-ի տվյալներով՝ սահմանային անցումների մեծ մասն արձանագրվում է Սարփիի մաքսակետում։ Մասնավորապես, մուտք՝ 330 144, ելք՝ 318 966, նույն ժամանակահատվածում Կազբեգիի անցակետում գրանցվել է 213 100 մուտք և 255 357 ելք։ Ինչ վերաբերում է Թբիլիսիի օդանավակայանին, ապա 2022 թվականի օգոստոսին մուտք է գործել 177 677 քաղաքացի, մեկնել՝ 197 259 մարդ։
Ավելի կոնկրետ, ՆԳՆ-ի հրապարակած տեղեկատվության համաձայն՝ 2022 թվականի օգոստոսին Վրաստան է մուտք գործել 844 262 օտարերկրյա քաղաքացի, որից 539 608 քաղաքացիները երկրում մնացել են ավելի քան 24 ժամ։ Կատարվել է նաեւ 174 358 տարանցում։
Ըստ ՆԳՆ-ի՝ սահմանային անցումների (մուտքի) քանակով առաջին վեցյակում են Ռուսաստանը, Հայաստանը, Թուրքիան, Սաուդյան Արաբիան, Իսրայելը և Բելառուսը։ Մասնավորապես, 2022 թվականի օգոստոսին Ռուսաստանի Դաշնությունից Վրաստան է մուտք գործել 260 810 մարդ, մինչդեռ 2021 թվականի օգոստոսին երկիր է այցելել 45 355 ՌԴ քաղաքացի։
Նախորդ տարվա նույն ժամանակահատվածի համեմատ տոկոսային ցուցանիշն աճել է 475%-ով։
Ռուսաստանից հետո 2022 թվականի օգոստոսին ամենամեծ թվով քաղաքացիներ մուտք են գործել ՀՀ-ից, մասնավորապես՝ 178 483 մարդ (2021 թվականի օգոստոսին՝ 28 745, աճը՝ 521%):
2022 թվականի օգոստոսին Վրաստան է այցելել Թուրքիայի 116 882 քաղաքացի (2021 թվականի օգոստոսին՝ 38 654, աճը՝ 202%):
Նույն ժամանակահատվածում Սաուդյան Արաբիայից մուտք է գործել 43,562 մարդ (2021 թվականի օգոստոսին՝ 15,154, աճը 187%), իսկ Իսրայելից Վրաստան է մուտք գործել 29 546 քաղաքացի, ինչը 6901%-ով ավելի է նախորդ տարվա նույն ժամանակահատվածի համեմատ (2021 թվականի օգոստոսին Իսրայելից Վրաստան է մուտք գործել 422 մարդ)։
Բելառուսից Վրաստան մուտք գործած այցելուների տվյալների մեջ գրանցվել է 88 տոկոս աճ։ Մասնավորապես, ՆԳՆ-ի տվյալներով՝ 2022 թվականի օգոստոսին գրանցվել է Բելառուսի 28885 քաղաքացու մուտք, ինչը 88%-ով ավելի է նախորդ տարվա նույն ցուցանիշի համեմատ (2021թ. օգոստոսին Բելառուսից Վրաստան 15332 այցելություն է արձանագրվել):
Բացի այդ, ՆԳՆ-ի տրամադրած տեղեկատվության համաձայն՝ 2022 թվականի օգոստոսին գրանցվել է ԵՄ երկրների 46 790 քաղաքացու մուտք, ինչը 56%-ով ավելի է նախորդ տարվա նույն ժամանակահատվածի համեմատ (2021 թվականի օգոստոսին գրանցվել է 29942 այցելություն)։
Լավագույն քսան երկրները (առաջին վեցից հետո) ըստ սահմանահատումների (մուտքերի) քանակի, 2022 թվականի օգոստոսի դրությամբ, հետևյալն են՝ Ուկրաինա, Ղազախստան, Ադրբեջան, Իրան, Գերմանիա, Հնդկաստան, Լեհաստան, ԱՄՆ, Ուզբեկստան, Հորդանան, Հունաստան, Ֆրանսիա, Քուվեյթ, Արաբական Միացյալ Էմիրություններ, Մեծ Բրիտանիա, Լատվիա, Լիտվա, Նիդեռլանդներ, Էստոնիա, Իտալիա:
Ինչ վերաբերում է Վրաստանի քաղաքացիների կողմից սահմանը հատելուն, ապա, ըստ ՆԳՆ-ի տարածած տեղեկատվության, 2022 թվականի օգոստոսին սահմանը հատել է 266 037 Վրաստանի քաղաքացի, երկիր է մուտք գործել 266 045 Վրաստանի քաղաքացի։ 2021 թվականի նույն ժամանակահատվածի թվային ցուցիչները հետևյալն են՝ մուտք 82 923, ելք՝ 78 884։
