Վրաստանում Հայաստանի արդեն նախկին դեսպան Ռուբեն Սադոյանը հրաժեշտի հանդիպումներ ունեցել Վրաստանի ԱԳ նախարար Իլիա Դարչիաշվիլիի և ԱԳ նախարարի առաջին տեղակալ Լաշա Դարսալիայի հետ։
Հանդիպումների ընթացքում անդրադարձ է կատարվել դեսպան Սադոյանի պաշտոնավարման տարիներին հայ-վրացական հարաբերություններում գրանցված առաջընթացին։
Նախարար Դարչիաշվիլին շնորհակալություն է հայտնել հայ դիվանագետին Վրաստանի և Հայաստանի Հանրապետության միջև հարաբերությունների զարգացման գործում ներդրած նշանակալի ավանդի համար և հաջողություններ մաղթել հետագա աշխատանքում։
Հանդիպման ժամանակ կողմերը զրուցել են երկու երկրների միջև արդյունավետ համագործակցության և դրա զարգացման հեռանկարների մասին։
Հիշեցնենք, որ Հայաստանի Հանրապետության նախագահի հրամանագրով օգոստոսի 24-ին Վրաստանում Հայաստանի նոր արտակարգ և լիազոր դեսպան է նշանակվել Աշոտ Սմբատյանը:
Ռուբեն Սադոյանն արտակարգ դեսպանորդի պաշտոնից հետ է կանչվել:
Կարդացեք նաև՝
Իրակլի Ղարիբաշվիլին հրաժեշտի հանդիպում է ունեցել Հայաստանի դեսպանի հետ
