Վրաստանում շարունակվում է պատվաստման գործընթացը՝ թե առողջապահության նախարարության, թե հիվանդությունների վերահսկման կենտրոնի ներկայացուցիչները հորդորում են բնակչությանը պատվաստվել կորոնավարակի դեմ։ Սակայն պատվաստվողների քանակը այդքան էլ շատ չէ, ինչպես երևում է առողջապահության նախարարության հրապարակած վիճակագրությունից։ Սամցխե-Ջավախքն այդ սանդղակի վերջինների թվում է:
Ախալքալաքի հոսպիտալից հայտնում են՝ թե պատվաստումների, թե վարակակիրների թիվը շրջանում նվազման միտում ունի:
Ըստ այդմ Ձեզ ենք ներկայացնում երկրում անցկացված պատվաստումների, վարակակիրների և դրականության ցուցանիշը:
Պատվաստումների քանակով առաջին տեղը զբաղեցնում է մայրաքաղաք Թբիլիսին, երկրորդ հորիզոնականում է Աջարիան, հետո Իմերեթին, Սամեգրելո-Զեմո Սվանեթին, Շիդա Քարթլին, Կախեթին, Քվեոմո Քարթլին, Գուրիան, Սամցխե-Ջավախեթին սանդղակի վերջին եռյակում է, այնուհետև՝ Մցխեթա-Մթիանեթին է, իսկ վերջին հորիզոնականում Ռաճա-Լեչխումի-Քվեմո Սվանեթին։
Ինչ վերաբերում է դրականության ցուցանիին, ապա այստեղ ևս մեր տարածաշրջանի վիճակը նախանձելի չէ, այն վերջին տեղում է։
Վարակի դեպքերի թվով նախավերջին տեղում ենք, քանի որ այստեղ ախտանիշերի դեպքում ոչ բոլորն են թեստ հանձնում և բուժվում են տան պայմաններում։
Վարակման դեպքերի քանակով առաջին տեղը զբաղեցնում է մայրաքաղաք Թբիլիսին, երկրորդ հորիզոնականում է Իմերեթին, հետո Աջարիան, Սամեգրելո-Զեմո Սվանեթին, Կախեթին, Շիդա Քարթլին, Քվեոմո Քարթլին, Գուրիան, Մցխեթա-Մթիանեթին, սանդղակի նախավերջին տեղերում են Սամցխե-Ջավախեթին և Ռաճա-Լեչխումի-Քվեմո Սվանեթին։
