«Մենք գտնվում ենք գագաթնակետում և կարծում ենք, որ այս գագաթնակետի անցումային փուլը պետք է սկսվի այս շաբաթ»,- այս մասին հայտարարել է Հիվանդությունների վերահսկման ազգային կենտրոնի ղեկավար Ամիրան Գամղրելիձեն։
Ըստ Գամղրելիձեի՝ այսօր հայտնաբերված կորոնավիրուսով վարակվածների թիվը, որը գրանցված է կայքում, չի արտացոլում իրականությունը, քանի որ պորտալի տեխնիկական աշխատանքի պատճառով ոչ բոլոր տվյալներն են վերբեռնվել։
«Այսօր կա 4000 դեպք և, ցավոք, 21 մահ։ Վարակման այս ցուցանիշը չի արտացոլում իրական իրավիճակը, քանի որ մենք ունենք բարձր դրական ցուցանիշ՝ շուրջ 40%: Փաստորեն, պորտալը թարմացվում էր հանգստյան օրերին, և որոշակի տեխնիկական աշխատանքներ էին կատարվում: Հետևաբար, բոլոր տվյալները չհաջողվեց վերբեռնել պորտալում: Այսօրվա թվերով չենք կարող դատել, վաղը կթարմացվեն տվյալները, որոնք ներառում են ինչպես կիրակի, այնպես էլ երկուշաբթի օրվա դեպքերը»,- ասել է Ամիրան Գամղրելիձեն։
