Ախալքալաքում ապրիլի 24-ին տարբեր միջոցառումներով մարդիկ հիշեցին Մեծ Եղեռնի զոհերին և ամենը յուրովի պահանջեց Հայող ցեղասպանության ճանաչում ու դատապարտում:
Այսօր առավոտյան, ժամը 11:00–ին Ախալքալաքում մարդիկ այցելեցին Սուրբ Խաչ եկեղեցու բակ և ծաղիկներ դրեցին Սուրբ նահատակների հիշատակին նվիրված հուշարձանին: Այնուհետև եկեղեցում մատուցվեց սուրբ և անմահ պատարագ՝ 1,5 միլիոն Սուրբ նահատակների հիշատակին նվիրված:
Եկեղեցու բակում նկարների ցուցահանդես էր, որը արտահայտում էր Օսմանյան կայսրությունում դաժանաբար հայաջնջման մասին: Իսկ առանձին հատվածում ներկայացված էին Ջավախքի տիկնիկները, որոնք յուրօրինակ կերպարներով բնութագրում են հայ կնոջը:
Տարիներ շարունակ այս օրը և ոչ միայն Վրաստանի հայությունը հիշում ու հիշեցնում է Հայոց ցեղասպանության դաժան էջերը և պահանջում է այն ճանաչել և դատապարտել, ապագայում նման սարսափից խուսափելու համար:
Վրաստանը, ինչպես ասում է Խորհրդարանի պատգամավոր Սամվել Պետրոսյանը, չի ճանաչում Ցղասպանությունը միայն ելնելով պետական և քաղաքական շահերից:
«Այս տարի, երբ ես հանդես եկա Խորհրդարանում ճանաչման և դատապարտման կոչով, իմ կոլեգաները նիստից հետո առանձին-առանձին մոտեցան և ասացին, որ իրենք գիտեն Օսմանյան կայսրության ժամանակաշրջանում Հայոց ցեղասպանության մասին, սակայն չեն կարող այն բարձրաձայնել քանի-որ գոյություն ունեն պետական և քաղաքական շահեր, ճիշտ է չեն ընդունում ցեղասպանությունը, բայց հոգով ու սրտով իրենց եղբայր պետության՝ Հայասատանի կողքին են», – մեզ հետ զրույցում ասաց Սամվել Պետրոսյանը:
Ցեղասպանությանը նվիրված միջոցառումը շարունակվեց մշակույթի տան բակում, որտեղ «Ջավախք» ազգագրական երգի ու պարի համույթը ներկայացավ հայրենասիրական երգերով: Համույթի ղեկավար Ալիկ Քսպոյանը ողջունելով ներկաներին ասաց, որ այժմ չենք պահանջում ճանաչել՝ այլ պարտադրում ենք դատապարտել Հայոց ցեղասպանությունը:
Սակայն ախալքալաքցինրը գիտակցում են, որ Վրաստանը ներկայիս իրավիճակում չի ճանաչի Հայոց ցեղասպանության փաստը:
«Իմ կարծիքով մոտ ապագայում դրական արդյունք, այսինքն սպասելիքներ, որ Վրաստանը կհաստատի Հայոց ցեղասպանությունը՝ չունենք: Մենք՝ Վրաստանում ապրող հայերս, տարբեր կոչերով հանդես ենք եկել», – ասաց Շրջանային ժողովի պատգամավոր Ստեփան Հակոբյանը:
Այսօր ավարտվեցին ցեղասպանության վերաբերյալ միջոցառումները, իսկ հատուցում և ճանաչում պահանջող հայությունը կշարունակի պահանջել դատապարտում, ճանաչում ու հատուցում 101 տարի առաջ տեղի ունեցած ոճրագործությունը:
Ջուլիետա Տոնականյան
