Մայիսի 7-ին Վրաստանում հաստատվել է կորոնավիրուսի 1547 նոր դեպք: Այս մասին տեղեկատվությունը քիչ առաջ թարմացվել է կառավարության կողմից ստեղծված stopcov.ge հատուկ կայքում:
Վերջին մեկ օրում երկրում ապաքինվել է 1131 մարդ, մահացել է 18 պացիենտ:
Համավարակի տարածումից առ այսօր, Վրաստանում ընդհանուր առմամբ գրանցված է կորոնավիրուսով վարակման 319 266, այստեղից ապաքինվել է 298 807 մարդ: Մահացածների ընդհանուր թիվը կազմում է 4245:
Վերջին 24 ժամվա ընթացքում Վրաստանում կատարվել է 25 541 փորձարկում, այդ թվում 14 212-ը՝ հակամարմինների արագ թեստով, իսկ 11 329-ը՝ «PCR» թեստով:
Դրականության օրական ցուցանիշը՝ 6.06% է, վերջին 14 օրվանը՝ 5.66%, վերջին 7 օրվանը՝ 6.76%:
Երկրում կորոնավիրուսի դեմ պատվաստվել է 54 687 մարդ, օրական պատվաստվում է 3 089 պացիենտ:
Կարանտինի ռեժիմում գտնվում է 69 մարդ, հիվանդանոցներում հսկողության տակ է 4 354 պացիենտ, կլինիկական հյուրանոցներում գտնվում է 759 անձ:
Մայիսի 6-ին Վրաստանում բացահյտվել է կորոնավիրուսի 1806 նոր դեպք, ապաքինվել է 1144 պացիենտ:
Վրաստանում կորոնավիրուսի առաջին դեպքը գրանցվել է 2020 թվականի փետրվարի 26-ին:
