Ազգային վիճակագրական ծառայության տվյալների համաձայն՝ 2020 թվականին Վրաստանում ցանվել է 101,2 հազար տոննա ցորեն, ինչը 0,6%-ով ավելին է, քան 2019-ին:
Չնայած նախորդ տարվա համեմատ ընդհանուր բերքատվության աճին՝ ցորենի և գարու միջին բերքատվությունը նվազել է, իսկ եգիպտացորենի, կարտոֆիլի և բանջարեղենային մշակաբույսների բերքատվությունն աճել է:
Մասնավորապես, վիճակագրության համաձայն, 2020 թվականին Վրաստանում ցորենի բերքատվությունը մեկ հեկտարից կազմել է 2,2 տոննա:
Ցորենի բերքատվությունը տարեցտարի փոփոխվում է: Օրինակ՝ 2016-ին Վրաստանում ցորենի բերքը 1 հա ցանքատարածությունից կազմում էր 2,6 տոննա, 2017-ին՝ 2,2 տոննա, 2018-ին՝ 2,5, իսկ 2020 թվականի ցուցանիշը կրկին հայտնվել էր վերջին հինգ տարիների ամենացածր մակարդակի վրա:
Տարածաշրջանի երկրների համեմատ՝ 1 հեկտարից ստացված ցորենի բերքատվության ցուցանիշով Վրաստանը վերջին տեղում է: Ըստ ԱՄՆ-ի Գյուղատնտեսության նախարարության կողմից հրապարակված 2020 թվականի նախնական տվյալների, Ուկրաինայում ցորենի միջին բերքատվությունը մեկ հեկտարից 4 տոննա է, իսկ Ռուսաստանում, Հայաստանում, Ադրբեջանում և Թուրքիայում` 3 տոննա:
