Թբիլիսիում, Քութայիսիում և Ռուսթավիում նախատեսվում է դպրոցների և մունիցիպալ տրանսպորտի աշխատանքը վերսկսել մարտի 1-ից:
Համապատասխան որոշման մասին հայտնել է փոխվարչապետ Մայա Ցքիտիշվիլին:
«Մարտի մեկից կվերականգնվի Թբիլիսի, Քութայիսի և Ռուսթավի քաղաքներում դպրոցների աշխատանքը, համապատասխանաբար, նաև քաղաքային տրանսպորտի: Փետրվարի 15-ից բոլոր քաղաքներում կգործեն բաց և փակ շուկաները»,- հայտարարել է Ցքիտիշվիլին:
Բացի այդ՝ նրա խոսքով, փետրվարի 1-ից Թբիլիսի, Քութայիսի և Ռուսթավի քաղաքներում կսկսեն գործել խանութներն ու առևտրի կենտրոնները: