Հայաստանում հունվարի 19-ի դրությամբ կորոնավիրուսով վարակի դեպքերը հասել են 164 912-ի՝ նախորդ օրվա համեմատ ավելանալով 236-ով: Այդ մասին տեղեկացնում է ՀՀ ԱՆ Հիվանդությունների վերահսկման և կանխարգելման ազգային կենտրոնը։
Մահվան ևս 14 դեպք է գրանցվել, 9-ը՝ կորոնավիրուսից, 5-ը՝ այլ պատճառով։ Ընդհանուր առմամբ, կորոնավիրուսից մահվան 3007 դեպք կա, այլ պատճառով՝ 734։
Ապաքինվել է ևս 436 մարդ։ Առողջացածների ընդհանուր թիվը 153 500 է։ Փաստացի բուժվողների թիվը 7 671 է։
Ընդհանուր առմամբ, 626 377 թեստ է արվել, մեկ օրում` 2 224:
