2020 թվականի մարտից մինչև նոյեմբեր ամիսը ներառյալ Վրաստանում սահմանափակումների խախտման համար 39 187 տուգանք է գրվել, որից 31 016-ը դիմակ չկրելու համար, իսկ 1 428-ը կարանտինի կանոնները խախտելու: Այս մասին տեղեկատվությունը «Ինտերպրեսնյուզին» հայտնել են Վրաստանի ներքին գործերի նախարարությունից:
Մարտի 21-ից մինչև մայիսի 22-ը ներառյալ, երբ երկրում բացահայտվել է 8 737 իրավախախտում: Գերատեսչության տվյալներով, այդ ժամանակահատվածում արձանագրված տուգանքների գումարը կազմել է 26 միլիոն 463 000 լարի: Տուգանվել է 8 716 ֆիզիկական և 21 իրավաբանական անձ:
Մայիսից մինչև նոյեմբեր ամիսը ներառյալ գրանցվել է 1 284 խախտում՝ ինքնամեկուսացման և կարանտինի կանոնները չպահպանելու համար և 29 166 փաստ՝ պաշտպանիչ դիմակ չկրելու պատճառով:
Ամենաշատ տուգանք գրվել է Թբիլիսիում, այնուհետև Քվեմո-Քարթլիում, իսկ ամենաքիչ տուգանք գրվել է Գուրիայում:
Սահմանափակումների կրկնակի և արտակարգ դրության խախտումների փաստերով ընթանում է հետաքննություն 227 գործով:
Վրաստանի ներքին գործերի նախարարությունը կոչ է անում բոլոր քաղաքացիներին պահպանել սահմանված կարգը, հակառակ պարագայում նրանց դեմ կօգտագործվեն օրենքով սահմանված համապատասխան միջոցներ:
Դիմակ կրելու կարգի խախտման համար անձը ենթարկվում է վարչական պատասխանատվության՝ տուգանք 20 լարիի չափով: Ինքնամեկուսացման և կարանտինի կարգի խախտման համար ֆիզիկական անձը տուգանվում է 2000 լարիով, իրավաբանական անձը՝ 10 000 լարիով:
