Վրաստանի ֆինանսների նախարարության եկամուտների ծառայության տեղեկությամբ՝ «Սարփի» մաքսային անցակետով, Թուրքիայի Հանրապետությունից Վրաստան է մտել 23 450 կիլոգրամ կարտոֆիլով բեռնված ավտոտրանսպորտային միջոց:

«Մաքսային վարչության սանիտարական, բուսասանիտարական և անասնաբուժական վերահսկողության բաժնի աշխատակիցների կողմից, բուսասանիտարական գործողությունների իրականացման ժամանակ հաստատվել է կարտոֆիլի քաղցկեղ (Synchytrium endobioticum): Վրաստանի կառավարության N463 որոշման համաձայն, նշված ապրանքը կվերադարձվի արտահանող երկիր», – հայտարարել են եկամուտների ծառայությունում: