Բաքու Թբիլիսի Կարս երկաթգծի Ախալքալաքի կայարանի պետ Օմար Օսիձեի խոսքերով, նոյեմբերի 1- ին Թուրքիայից ստացել են 16 վագոն, որից 3-ը ուղարկվել է Թուրքմենստան, իսկ 13 -ը՝ Ադրբեջան:
Ախալքալաքի կայարանը այսօր լրիվ հզորությամբ դեռ չի աշխատում: Առաջին ամիսներին վագոնները գալիս էին շաբաթը մեկ, իսկ հիմա ավելի հաճախակի են գալիս:
« Վագոնները գալիս են օր մեջ, լինում է նաև որ ամեն օր են գալիս: Տեղափոխում են լվացքի փոշուց սկսած մինչ շինարարական նյութեր: Վագոնները գալիս են Թուրքիայից և գնում են Ուզբեկստան,Ղազախստան, Չինաստան: Մեկ տարվա ընթացքում այս երկաթգծով տեղափոխվել է 70 հազ տ բեռ»,- ասում է Օմար Օսիձեն:
Շուշան Շիրինյան
