Վրաստանի նախագահ Գիորգի Մարգվելաշվիլին շնորհակալություն է հայտնել Բորժոմի կիրճի հրդեհի հանգցմանը մասնակցած բոլոր երկրներին և մարդկանց:
«Այս բարդ իրավիճակում շատ կարևոր է և խրախուսելի մեզ համար, որ Վրաստանն այնքան շատ անկեղծ ընկերներ ունի` հայեր, ադրբեջանցիներ, թուրքեր, բելառուսներ, ինչպես նաև ամերիկյան և եվրոպական գործընկերներ: Շնորհակալություն մեր բոլոր ընկերներին, ովքեր անմիջապես արձագանքեցին և օգնեցին նման դժվար պահին: Շնորհակալություն Վրաստանի զինված ուժերին Ատենի կիրճում արդյունավետ աշխատանքի համար», – հայտարարել է Մարգվելաշվիլին:
Ինչ վերաբերում է հնարավոր դիվերսիային, ապա նախագահի խոսքերով, հարցերը պետք է տրվեն խնդրի լուծումից հետո:
Լուսինե Աստոյան
