Նրանք, ովքեր օգտվում են օտարերկրյա ֆինանսավորումից, փորձում են խրախուսել հեղափոխությունը Վրաստանում, մենք կարծում ենք, որ այս դեպքում դրա ֆինանսավորումը պետք է լինի լիովին թափանցիկ,- իտալական Sky հեռուստաալիքին տրված հարցազրույցում ասել է Վրաստանի վարչապետ Իրակլի Կոբախիձեն։
Կառավարության ղեկավարի խոսքով՝ ընտանեկան արժեքների պաշտպանության մասին օրենքը չի սահմանափակում մարդու իրավունքները, խոսքը քարոզչության սահմանափակման մասին է։
«Այս փուլում մենք ունենք մարտահրավերներ՝ կապված կոնկրետ խնդիրների հետ, օրինակ՝ Վրաստանի խորհրդարանի կողմից ընդունված թափանցիկության մասին օրենքը։ Երբ օտարերկրյա ֆինանսավորումից շահող մեկը փորձում է խրախուսել հեղափոխությունը Վրաստանում, մենք կարծում ենք, որ այս դեպքում նրա ֆինանսավորումը պետք է լինի լիովին թափանցիկ։ «Ընտանեկան արժեքների պաշտպանության մասին» օրենքը չի սահմանափակում մարդու իրավունքները. Խոսքը քարոզչության սահմանափակման մասին է։ Այս օրենքը համապատասխանում է մարդու իրավունքների չափանիշներին»,- ասել է վարչապետը։
