Ախալքալաքի քաղաքապետարանը էլեկտրոնային մրցույթ է հայտարարել «Հեռուստա և ռադիո ծառայությունների» համար, բայց նախապես հայտնի է, որ մրցույթը շահելու է տեղական հեռուստատեսությունը, քանի որ ներկայացվող պահանջներից ելնելով դժվար թե տեղական մյուս լրատվամիջոցները կարողանան դրան մասնակցել։
Մրցույթը «Հեռուստա և ռադիո ծառայությունների» համար հայտարարվել է փետրվարի 10-ին, իսկ հայտերի ընդունումը շարունակվում է մինչև փետրվարի 20-ը։ Մրցույթի սկզբնական գումարը կազմում է 44 988 լարի։ Պայմանագիրը մրցույթը հաղթողի հետ կկնքվի մինչև 2023 թվականի դեկտեմբերի 31-ը։
Հարկ է նշել, որ այդ ծառայությունները միշտ մատուցվում են տեղական ATV12 հեռուստատեսության կողմից, ինչը զարմանալի չէ, քանի որ «լրացուցիչ տեղեկություններ» սյունակում նշված է հետևյալը. Ախալքալաքի քաղաքապետարանում գործում է միայն մեկ հեռուստատեսություն՝ ATV-12-ը, որը կարող է մեխանիկորեն մասնակցել մրցույթին, ինչն էլ այս մրցույթը դարձնում է պաշտոնական։
Առանձին կետով նշված է ապրանքների տեխնիկական պարամետրերը, ծառայությունների նկարագրությունը, աշխատանքների նկարագրությունը (արտադրության ժամկետը), քանակը:
- Վրաստանի Հանրային հեռարձակողի ազդանշանի ընդունում և հեռարձակում Ախալքալաքի քաղաքապետարանի տարածքում:
- Տեղեկատվական հաղորդումների պատրաստում, շրջանային ժողովի և քաղաքապետարանի նիստերի, մշակութային և մարզական միջոցառումների, հասարակական և սոցիալական թեմաների լուսաբանում։ Դրա վրա պետք է աշխատի առնվազն երկու նկարահանող խումբ։
- Մունիցիպալ բյուջետային հաստատությունների հայտարարությունների հեռարձակում եթերում (վազող տող):
- Ուղիղ հեռարձակում Facebook-ում, Youtube-ում, միացում բեմից:
- Շաբաթը մեկ անգամ 10-15 րոպե տևողությամբ հաղորդումների պատրաստում և լուսաբանում մշակութային, մարզական, սոցիալական և այլ թեմաներով, հաղորդմանը պետք է մասնակցի հրավիրված հյուր։
- Հեռուստատեսությամբ լուսաբանվող հաղորդումները պետք է տեղադրվեն նաև համացանցում՝ Facebook, YouTube:
Դիմորդը նվազագույնը պետք է համապատասխանի հետևյալ պահանջներին.
- Հեռարձակողը պետք է ունենա Սամցխե-Ջավախքի տարածաշրջանում (Ախալքալաք քաղաքի տարածքային սահմաններում) մետրային կամ դեցիմետրային հաճախականությամբ հեռարձակման թույլտվություն (պետք է ներկայացնի վերը նշվածը հաստատող փաստաթղթերը) և/կամ լիցենզիա:
- Հեռուստատեսությունը պետք է ունենա իր սեփական ալիքը www.youtube.com-ում, Facebook-ում, որտեղ պետք է տեղադրվի պայմանագրի շրջանակներում պատրաստված հեռուստատեսային արտադրանքը:
- Պատրաստված արտադրանքը պետք է հրապարակվի կամ տեղադրվի հեռուստատեսության եթերում ամենադիտվող ժամին:
Մանրամասն այն մասին, թե ո՞ր լրատվամիջոցներն են ֆինանսավորվում Ախալքալաքի և Նինոծմինդայի քաղաքապետարանների բյուջեներից, կարդացեք «Ո՞ր ԶԼՄ-ներն են ֆինանսավորվում Ախալքալաքի և Նինոծմինդայի բյուջեներից» վերտառությամբ հոդվածում։
