Վրաստանի ֆինանսների նախարարության եկամուտների ծառայության տվյալներով՝ տարվա առաջին յոթ ամիսներին հարկային մոնիթորինգի վարչության աշխատակիցները երկրի ողջ տարածքում հայտնաբերել են ծխախոտի անօրինական պահպանման և վաճառքի 326 դեպք։

Ընդհանուր առմամբ առգրավվել է 76 655 տուփ ծխախոտ։

Խախտողների դեմ ձեռնարկվել են տարբեր միջոցառումներ:

176 գործի առթիվ կազմվել են վարչական արձանագրություններ, որոնք ուղարկվել են դատարան։

9 գործի նյութերը փոխանցվել են Ֆինանսների նախարարության քննչական ծառայությանը։

Եվս 141 գործ համարվել է չբացահայտված, և դրանց վերաբերյալ կազմվել են առգրավման արձանագրություններ։

Ակցիզային հարկից ազատված ապրանքները խախտողներից առգրավվել են Վրաստանի օրենսդրությանը համապատասխան։