Վրաստանի ֆինանսների նախարարության քննչական ծառայության աշխատակիցները, եկամուտների ծառայության մաքսային դեպարտամենտի աշխատակիցների, Գլխավոր դատախազության հետ համատեղ իրականացված օպերատիվ-հետախուզական և քննչական միջոցառումների արդյունքում, ձերբակալել են մեկ անձի՝ մաքսային սահմանով առանձնապես խոշոր չափերով ապրանքների տեղափոխման կանոնները խախտելու համար։

Քննչական ծառայության տվյալներով՝ օպերատիվ տեղեկատվության հիման վրա իրականացված միջոցառումների արդյունքում պարզվել է, որ Ռուսաստանի Դաշնության քաղաքացին Կազբեգիի մաքսային անցակետով, մաքսային վերահսկողությունից թաքցնելով ապրանքները, Վրաստանի մաքսային տարածք անօրինական կերպով ներմուծել է 713,3 գրամ ընդհանուր քաշով և 143,817 լարի մաքսային արժեքով ոսկե ձուլակտորներ։

Հետաքննությունը տարվում է Վրաստանի քրեական օրենսգրքի 214-րդ հոդվածի 2-րդ մասի համաձայն, որը նախատեսում է 5-ից 7 տարի ժամկետով ազատազրկում։