Ըստ Euronews-ի՝ Եվրամիությունում կենսաթոշակի անցնելու տարիքը կբարձրանա մինչև 2060-ականների վերջը։

Տնտեսական համագործակցության և զարգացման կազմակերպության (OECD) ուսումնասիրության համաձայն՝ Եվրամիության երկրներում կենսաթոշակի անցնելու միջին տարիքը, կանխատեսումների համաձայն, կաճի մոտավորապես երկու տարով տղամարդկանց և 2.6 տարով՝ կանանց համար։

Մասնավորապես, ըստ Euronews-ի, տղամարդկանց համար կենսաթոշակային տարիքը կաճի 64.7-ից մինչև 66.7, իսկ կանանց համար՝ 64-ից մինչև 66.6։

«Կենսաթոշակային տարիքի բարձրացումը մնում է կենսաթոշակային համակարգերի ֆինանսական կայունությունն ապահովելու տարածված ռազմավարություն՝ առանց կենսաթոշակային վճարումները կրճատելու։ Այլընտրանքային տարբերակ կարող է լինել կենսաթոշակային վճարների ավելացումը կամ կենսաթոշակային վճարումների կրճատումը», — գրում է Euronews-ը։