Սկսվել է դիմորդների 2026 թվականի միասնական ազգային քննությունների նախնական արդյունքների հրապարակումը:
Գնահատման և քննությունների ազգային կենտրոնը հրապարակում է աբիտուրիենտների համար վրաց լեզվի և գրականության, օսերենի, պատմության, քիմիայի, կերպարվեստի և կիրառական արվեստի ու քաղաքացիական կրթության քննությունների նախնական արդյունքները:
Գնահատման և քննությունների ազգային կենտրոնի տեղեկատվությամբ՝ սեփական արդյունքն իմանալու համար աբիտուրիենտը պետք է մուտք գործի online.naec.ge վեբկայք, իսկ համապատասխան դաշտում նշի անձնական համարը և ութանիշ գաղտնաբառը: Անձնական էջում քննվողն հնարավորություն ունի տեսնելու սեփական աշխատանքի պատճենը և կոնկրետ առարկայից ստացած նախնական, «հում» միավորը:
«Վրաց լեզվի և գրականության, օսերենի և պատմության թեստի առավելագույն միավորը 60 է, իսկ նվազագույն անցողիկ միավորը՝ 15-ից ավելի: Քիմիայի թեստի առավելագույն միավորը 63 է, նվազագույն անցողիկ միավորը՝ 16: Կերպարվեստի և կիրառական արվեստի թեստի առավելագույն միավորը 70 է, նվազագույն անցողիկ միավորը՝ 18: Քաղաքացիական կրթության թեստի առավելագույն միավորը 60 է, նվազագույն անցողիկ միավորը՝ 16: Վրաց լեզվի և գրականության, ինչպես նաև պատմության քննությունում շեմը հաղթահարելու հնարավորությունը պահպանում է նաև այն աբիտուրիենտը, ում միավորը հավասարեցումից հետո կդառնա 15-ից ավելի:
Հավաքել է արդյոք դիմորդը անցողիկ միավոր, հայտնի կդառնա վերջնական արդյունքների հայտարարման ժամանակ», – նշված է Գնահատման և քննությունների ազգային կենտրոնի տեղեկատվության մեջ:
