Ներկայումս, ըստ «Ambient Air Quality Portal»-ի, Վրաստանի քաղաքների մեծ մասում օդի որակը գնահատվում է որպես «շատ լավ», «լավ» կամ «բավարար»։

Այս պահի դրությամբ, «շատ լավ» օդի որակ է գրանցվել Մեստիայում, Զուգդիդիում, Քութայիսիում (Նինոշվիլի փողոցի և Աղմաշենեբելի պողոտայի խաչմերուկում), Ախալցիխեում և Թելավիում։

«Լավ» օդի որակ է գրանցվել Բաթումիում (Աբուսերիձեի փողոց № 1), Քութայիսիում (Լադո Ասաթիանի փողոց № 98), Ռուսթավիում (Բաթումիի փողոց № 19 և Մեգոբրոբա պողոտա № 35ա) և Թբիլիսիում (Վարկեթիլի փողոց № 3, Աղմաշենեբելի պողոտա № 73ա, Կազբեգի պողոտա՝ Վասո Գոձիաշվիլիի անվան այգու մոտ, Մարշալ Գելովանի պողոտա № 34):

Նույն տվյալների համաձայն, մայրաքաղաքի Ծերեթելի պողոտա 105 հասցեում գտնվող կայանում օդի որակը գնահատվել է որպես «բավարար»: