Վրաստանի աշխատաշուկայում հազվագյուտ, դեֆիցիտային և/կամ բարձր վարձատրվող մասնագիտությունները սահմանվում են կառավարության կողմից՝ հատուկ օրենսդրական հիմքի միջոցով։ Այդ մասին գրում է bpn.ge-ն։
Մասնավորապես, Վրաստանի կառավարության 2018 թվականի փետրվարի 7-ի №68 որոշումը կարգավորում է այն մասնագիտությունների ցանկը և աշխատավարձերի կանոնները, որոնք պետական հատվածում դասվում են ռազմավարական կարևորություն ունեցող, դեֆիցիտային և բարձր վարձատրվող կատեգորիաների շարքին։
Փաստաթղթի համաձայն՝ հազվագյուտ և ֆինանսապես գրավիչ մասնագիտությունները խմբավորված են ըստ ոլորտների, և դրանց ցանկը հետևյալն է․
Տեղեկատվական համակարգերի և ծրագրային ապահովման ոլորտ․
- Վերլուծաբան/վերլուծություն,
- Ծրագրավորող/ծրագրավորում,
- Տեղեկատվական համակարգերի ադմինիստրատոր/ադմինիստրացիա,
- Տեղեկատվական համակարգերի ինժեներ/ինժեներիա և կառավարում, ցանցերի ադմինիստրատոր,
- Տեղեկատվական անվտանգություն,
- Կիբեռանվտանգության մասնագետ/կիբեռանվտանգություն։
Ֆինանսական հաշվետվության և աուդիտի ոլորտ․
- Հարկային աուդիտոր/աուդիտ,
- Աուդիտի վերահսկողության տեսուչ։
Քաղաքացիական ավիացիայի ոլորտ․
- Օդաչու/ավիացիոն ձեռնարկությունների սերտիֆիկացման վերահսկողության մասնագետ,
- Բժիշկ-տեսուչ՝ թռիչքների բժշկական ապահովման վերահսկողության համար,
- Ավիացիոն մասնագետների սերտիֆիկացման տեսուչ,
- Քաղաքացիական ավիացիայի ուսումնական հաստատությունների սերտիֆիկացման տեսուչ,
- Ավիատեխնիկ/թռիչքային պիտանիության (Airworthiness) մասնագետ/օդանավերի տեխնիկական սպասարկման մասնագետ,
- SAFA տեսուչ (օտարերկրյա օդանավերի պլատֆորմային ստուգում),
- Աերոդրոմների/օդանավակայանների տեսուչ,
- Վտանգավոր բեռների փոխադրման տեսուչ,
- Ավիացիոն անվտանգության տեսուչ (AVSEC),
- Օդային երթևեկության կազմակերպման անվտանգության տեսուչ (ATM)/կապի, նավիգացիայի և ռադիոլոկացիոն ծառայությունների անվտանգության տեսուչ (CNS),
- Ավիանավիգացիոն տեղեկատվական ծառայության անվտանգության մասնագետ (AIS),
- Օդերևութաբանական ծառայության անվտանգության մասնագետ (MET),
- Ավիացիոն որոնման և փրկարարական ծառայության մասնագետ (SAR),
- Ավիանավիգացիոն ընթացակարգերի/քարտեզագրական սպասարկման մասնագետ (PANS-OPS/Cartographic),
- Քաղաքացիական ավիացիայի ֆինանսատնտեսական վերլուծության մասնագետ,
- Անօդաչու թռչող սարքերի/համակարգերի մասնագետ։
Ծովային ոլորտ․
- Ծովային աշխատող (ծովագնաց),
- Նավաշինարար,
- Հիդրոէնժեներ (ծովային)։
Հիդրոգրաֆիական ոլորտ․
- Օվկիանոգրաֆիական դիտարկումների և ծովային հետազոտությունների պլանավորման մասնագետ,
- Ծովային քարտեզագիր,
- Ծովային նավիգացիոն քարտեզների խմբագիր/մասնագետ,
- Հիդրոգրաֆիական հետազոտությունների ինժեներ,
- Ծովային սինոպտիկ-օդերևութաբան,
- Ռադիոնավիգացիոն միջոցների մասնագետ (նավիգացիոն տելեքս),
- Նավիգացիոն օժանդակ միջոցների մասնագետ։
Որոշման վերջին խմբագրությամբ ցանկում ավելացվել է նաև պետական ավիացիայի ոլորտը, որտեղ ներառվում են հետևյալ մասնագիտությունները․
- Օդաչու/օդաչու-նավիգատոր,
- Ինժեներ/բորտ-ինժեներ,
- Բորտմեխանիկ-օպերատոր,
- Տեխնիկ/բորտ-տեխնիկ։
Պետք է նշել, որ այս ցանկում ներառվում են նաև տվյալ կետով սահմանված անձանց ղեկավարները, այն դեպքում, երբ նրանց վրա անմիջապես դրված է այդ անձանց գործունեության համար պատասխանատվությունը։
