Մայիսից սկսած՝ Վրաստանում ալյուրի մեկ պարկի գինը կարող է բարձրանալ 2 լարիով: Այս մասին BusinessPressNews-ին հայտնել է «Բարաքա» կազմակերպության տնօրեն Լադո Բիձինաշվիլին։

Նրա խոսքով՝ թանկացումը պայմանավորված է արտադրական ծախսերի աճով, որոնք հիմնականում պայմանավորված են տարածաշրջանում շարունակվող հակամարտության պատճառով էներգակիրների գների բարձրացմամբ։

«Բարաքա»-ի տնօրենը նշում է, որ Վրաստանում էլեկտրաէներգիայի սակագների բարձրացումը ևս մոտ 50 թեթրիով բարձրացրել է ալյուրի մեկ պարկի գինը։

«Տարածաշրջանային առանձնահատկությունների պատճառով մենք չենք կարող ուղղակիորեն կախված լինել միջազգային փոխարժեքներից։ Մեր դեպքում որոշիչ է հարևան երկրներում իրավիճակը, քանի որ մեր հիմնական մատակարարներն են Ռուսաստանը և Ղազախստանը»։

Վերջին հաշվով, փոխարժեքները միշտ չէ, որ ազդում են ռուսական գների վրա: Կարող է տեղի ունենալ նաև հակառակը և միջազգային գինը մեր տարածաշրջանում մնա կայուն, բայց մեր տարածաշրջանում այն աճի։

Այս պահի դրությամբ, կարծես, Ռուսաստանն ունի ցորենի ավելցուկային պաշարներ: Որոշակի ծավալի համար քվոտաները նույնպես ավելացվել են, ուստի այժմ ուշադրությունը կենտրոնացած է որքան հնարավոր է շատ ցորեն վաճառելու վրա: Հետևաբար, մեր տարածաշրջանում գնի կտրուկ փոփոխություն (կամ բարձրացում, կամ իջեցում) մոտ ապագայում չի սպասվում։

Այնուամենայնիվ, մենք դեռևս սպասում ենք որոշակի գնաճի մայիսից սկսած: Դա պայմանավորված է նրանով, որ արտադրության ծախսերը կախված են ոչ միայն ցորենի գնից: Տարածաշրջանում ստեղծված իրավիճակը նաև բարձրացրել է էներգակիրների, այդ թվում՝ նավթամթերքի արժեքը: Ալյուրի համար պաթեթավորման պարկերի գինը նույնպես բարձրացել է:

Հարկ է նաև հաշվի առնել, որ 50 կիլոգրամանոց պարկի գինը բարձրացել է 50 թեթրիով՝ միայն էլեկտրաէներգիայի սակագների բարձրացման պատճառով։

Այս գործոններից յուրաքանչյուրն ազդում է ինքնարժեքի վրա, որը կազմում է մոտավորապես 2 լարի տարբերություն։ Հետևաբար, մենք սպասում ենք, որ մեկ պարկ ալյուրի գինը մայիսից սկսած կբարձրանա ուղիղ 2 լարիով», — ասում է Լադո Բիձինաշվիլին։

Նրա խոսքով՝ ալյուրի գնի 2 լարիով բարձրացումը չի ազդի հազաբուլկեղենի գնի վրա։

«Հացի ներկայիս գինը հիմնված է մոտ երկու ամիս առաջվա տվյալների վրա, երբ ալյուրն արժեր 60 լարի։ Այդ ժամանակվանից ի վեր գինը նվազել է մինչև 51 լարի։ Հիմա, եթե ալյուրի գինը բարձրանա 2 լարիով, այն դեռ չի հասնի նախկին 60 լարիի նշագծին։ Տարբերությունը կկազմի 7-8 լարի։ Հետևաբար, ալյուրի գնի այս բարձրացումը չի ազդի հացի գնի վրա», — ասում է «Բարաքա»-ի տնօրենը։

Հիշեցնենք, որ Վրաստանի էներգետիկայի և ջրամատակարարման հանձնաժողովն ապրիլի 1-ին որոշում է կայացրել Թբիլիսիի և շրջանների բաժանորդների համար էլեկտրաէներգիայի սակագները բարձրացնել 5 թեթրիով։ Բացի այդ, բիզնեսների համար սակագները բարձրացել են 5-6 թեթրիով:

Սրան ավելանում նաև այն հանգամանքը, որ Մերձավոր Արևելքում հակամարտությունը շարունակվոոմ է՝ Հորմուզի նեղուցով նավագնացության խափանումների ֆոնին, բարձրացնում է նավթի գները, ինչը նույնպես ազդում է վրացական շուկայի վրա։ Վրաստանում վառելիքի գների բարձրացումը սկսվել է մարտի 9-ին, և այդ ժամանակվանից ի վեր դիզելային վառելիքի գինը բարձրացել է առավելագույնը 94 թեթրիով։