Կրթության նախարարության «Կրթական ռեսուրսներ» ընկերությունը հայտարարել է 2026-2027 ուսումնական տարվա տարրական դպրոցի աշակերտների համար նախատեսված դպրոցական համազգեստի շուկայի ուսումնասիրության մասին։

Մրցութային փաստաթղթերում նշված է, որ մատակարարումը կիրականացվի երկու փուլով։

• I փուլ` ապրանքի առնվազն 30%-ի մատակարարում 2026 թվականի հուլիսի 31-ից ոչ ուշ։

• II փուլ` մնացած քանակի մատակարարում մինչև 2026 թվականի օգոստոսի 20-ը ներառյալ։

Գնման գործընթացին կից ներկայացված է նաև համազգեստների դիզայնը։

Պաշտոնական փաստաթղթում նաև նշվում էր, որ նախարարությունը հայտարարել է պիջակների, կիսաշրջազգեստների և տաբատների շուկայի ուսումնասիրության մասին։

Պլանավորված գնումների քանակը`

• Պիջակ (աղջիկ) – 292 հազար հատ,

• Պիջակ (տղա) – 308 հազար հատ,

• Տաբատ (աղջիկ) – 438 հազար հատ,

• Տաբատ (տղա) – 616 հազար հատ,

• Կիսաշրջազգեստ (մինչև ծնկները) – 146 հազար հատ,

• Երկար կիսաշրջազգեստ – 1000 հատ:

Նշենք. 2026-2027 ուսումնական տարվանից դպրոցական համազգեստը դառնում է պարտադիր I-VI դասարանների աշակերտների համար։