Հունգարիայի Ազգային ընտրական գրասենյակի տվյալներով՝ խորհրդարանական ընտրությունների նախնական արդյունքները ցույց են տալիս, որ ընդդիմադիր «Տիսա» կուսակցությունը կստանա 138 տեղ Հունգարիայի 199 տեղանոց խորհրդարանում։ Մինչ օրս հաշվարկվել է քվեների 96.37%-ը։

Նախնական արդյունքների համաձայն՝ Պետեր Մադյարի կուսակցությունը կվերահսկի խորհրդարանի երկու երրորդից ավելին և կմտնի սահմանադրական մեծամասնություն։ Այս դեպքում «Տիսա»-ն կստանա Հունգարիայի Սահմանադրությունը փոփոխելու լիազորություններ։

Ինչ վերաբերում է Հունգարիայի ներկայիս վարչապետ Վիկտոր Օրբանի կուսակցությանը՝ «Ֆիդես»-ին, այն խորհրդարանում կստանա 55 մանդատ։

Ըստ ներկայիս տվյալների՝ «Մեր երկիրը» կուսակցությունը կստանա վեց մանդատ, մինչդեռ մյուս կուսակցությունները չեն կարողացել հաղթահարել ընտրական շեմը։