2026 թվականի հունվար-փետրվար ամիսներին Վրաստանի տրանսպորտային միջանցքով անցնող բեռնատարների թիվը նվազել է 2262-ով, իսկ բյուջետային եկամուտները՝ 791 882 լարիով, հաղորդում է BusinessPressNews-ը՝ հիմնվելով համախմբված բյուջեի տվյալների վրա։

Ընդհանուր առմամբ, 2026 թվականի հունվար-փետրվար ամիսներին բեռնատարների տարանցումից ստացված եկամուտները կազմել են 23,707 միլիոն լարի՝ 2025 թվականի նույն ժամանակահատվածի 24 499 միլիոն լարիի համեմատ։
Բեռնատարների թիվը նույնպես նվազել է. 2026 թվականի առաջին երկու ամիսներին միջանցքով անցել է 67,736 բեռնատար՝ նախորդ տարվա նույն ժամանակահատվածի 69,998-ի համեմատ։

Ինչ վերաբերում է տարեկան ցուցանիշին, ապա 2025 թվականին բեռնատարների փոխադրումից ստացվել է 171,286,748 լարի, միջինում սահմանը հատել է 489,390 բեռնատար։

Հիշեցնենք, որ Վրաստանում տրանզիտային բեռնատարների համար ճանապարհային վճարը կազմում է 350 լարի։ Այս դրույքաչափն ուժի մեջ է մտել 2022 թվականի հունիսի 20-ից, նախկինում վարորդները վճարում էին 200 լարի։