Փետրվարի 26-ից մարտի 1-ը Վրաստանում սպասվում են կարճատև տեղումներ, այդ թվում՝ անձրև, որոշ դեպքերում՝ առատ։ Հնարավոր են ուժեղ քամիներ և փոթորիկներ ծովում, իսկ երկրի լեռնային շրջաններում հնարավոր է ձյուն, որոշ դեպքերում՝ առատ, մառախուղ, ձնաբուք և կա նաև ձնահոսքի վտանգ։ Այս մասին հայտնել է Շրջակա միջավայրի ազգային գործակալությունը։
Փետրվարի 27-28-ին Արևելյան Վրաստանում սպասվում են տեղումներ, հիմնականում ձյան տեսքով։
Առատ ձյան, ձնաբքի, վատ տեսանելիության, մերկասառույցի և ձնահոսքի վտանգի պատճառով ճանապարհների որոշ հատվածներում երթևեկությունը կարող է սահմանափակվել։
Ակնկալվող առատ տեղումները կարող են հանգեցնել Վրաստանի գետերի ջրի մակարդակի զգալի բարձրացման, իսկ բարձրլեռնային և լեռնային շրջաններում կարող են սկսվել սողանքներ և սելավային հոսքեր (սպառնալիքի մակարդակ՝ միջին):
