Փետրվարի 2-ից 7-ը Փոթիում անցկացվեց Վրաստանի մինչև 19 տարեկանների շրջանում բռնցքամարտի առաջնությունը: Ախալքալաքից յոթ մարզիկ մասնակցեցին մրցույթին՝ 17-18 տարեկան մեկ աղջիկ և վեց տղա: Նրանք նվաճեցին մեկ բրոնզե մեդալ, իսկ երեք մարզիկ ընդգրկվեցին Վրաստանի երիտասարդական բռնցքամարտի հավաքականում:
Առաջնությանը մասնակցել են Վրաստանի բոլոր շրջաններից մոտ 200 երիտասարդ բռնցքամարտիկներ: Մրցույթն անցկացվեց տղաների և աղջիկների միջև՝ յուրաքանչյուր սեռի համար 10 քաշային կարգերում:
Առաջնության նախապատրաստման և անցկացման համար պատասխանատու է Վրաստանի ազգային բռնցքամարտի ֆեդերացիան: Մրցումներին մասնակցեցին երկրի տարբեր մունիցիպալիտետների, քաղաքների և շրջանների թիմեր:
Չնայած Ախալքալաքի մարզիկները չնվաճեցին ոսկե կամ արծաթե մեդալներ, նրանք առաջնությունում շատ լավ հանդես եկան: Աննա Կրիկյանը նվաճեց բրոնզե մեդալ և Արթուր Մովսեսյանի և Ռուսլան Գմբոյանի հետ միասին ընդգրկվեց Վրաստանի երիտասարդական հավաքականում:
Ախալքալաքի բռնցքամարտի դպրոցը համարվում է Վրաստանի լավագույններից մեկը և տվել է բազմաթիվ ազգային, Եվրոպայի և նույնիսկ աշխարհի չեմպիոններ:
