Այս պահի դրությամբ՝ Ախալքալաքի մունիցիպալիտետի որոշ գյուղերի ճանապարհներ անանցանելի են։
Ախալքալաքի քաղաքապետարանի վերահսկողության վարչության պետ Արմեն Մղդեսյանի տեղեկացմամբ՝ այս պահին ձնամաքրման աշխատանքներ են իրականացվում Աբուլ, Դադեշ և Խավեթ գյուղերի ճանապարհներին։
Մնացած գյուղերի ճանապարհները բաց են և անցանելի։ Քարսեպ գյուղ տանող ճանապարհի մեկ գիծը դեռևս մաքրված չէ, սակայն նախատեսվում է այն ներառել առաջիկա աշխատանքներում։
Երեկ մաքրվել են Սամսար գյուղի ճանապարհները, և այս պահի դրությամբ այնտեղից որևէ ահազանգ չի ստացվել։ Միաժամանակ որոշ գյուղերում գրանցվում է ուժեղ քամի, որի հետևանքով հնարավոր են ճանապարհների ժամանակավոր փակումներ։
Քաղաքապետարանը շարունակում է վերահսկել իրավիճակը և անհրաժեշտության դեպքում կձեռնարկի համապատասխան քայլեր։
