Գորիում ընթանում է Վրաստանի մեծահասակների բռնցքամարտի ազգային առաջնությունը։
Դեկտեմբերի 23-ին Գորի քաղաքում մեկնարկել է Վրաստանի մեծահասակների բռնցքամարտի ազգային առաջնությունը։ Մրցաշարին մասնակցում են նաև Ախալքալաքը ներկայացնող մարզիկները։
Ախալքալաքից առաջնությանն այս պահին մասնակցում են՝
- Գոմցյան Արտյուշ՝ 60 կգ
- Արշակ Էլիզբարյան՝ 75 կգ
- Սամվել Ղազարյան՝ 80 կգ
Գոմցյան Արտյուշը (60 կգ) արդեն անցկացրել է իր առաջին մենամարտը և տարել հաղթանակ, ապահովելով մրցաշարի հաջորդ փուլ անցնելը։
Այսօր՝ դեկտեմբերի 24-ին, ժամը 11։00-ից կմեկնարկեն հաջորդ հանդիպումները, որոնց ընթացքում պայքարի մեջ կմտնեն Արշակ Էլիզբարյանն ու Սամվել Ղազարյանը։ Հաղթանակի դեպքում նրանք կշարունակեն ելույթները և կմասնակցեն կիսաեզրափակիչ փուլին։
«Չորս մասնակից ունեինք մեր տարածաշրջանից մեկը պարտվեց։ Հաղթանակի մեծ սպասում ունենք մեր մարզիկներից․ նրանցից մեկը Եվրոպայի չեմպիոն է, իսկ մյուս երկուսը՝ հզոր և փորձառու մարզիկներ։ Մրցաշարին մասնակցում են 18–35 տարեկան մարզիկները և այն կրում է «մեծահասակների առաջնություն» անվանումը», — նշեց Ախալքալաքի մարզահամալիրի տնօրեն, վաստակավոր մարզիչ Ատոմ Էլիզբարյանը։
