Այսօր՝ դեկտեմբերի 6-ին, Ախալքալաքից մարզիկը ջախջախիչ հաղթանակ տարավ ԱՄԷ-ում ընթացող 2025 թվականի IBA բռնցքամարտի աշխարհի առաջնությունում իր առաջին մենամարտում։

Ախալքալաքից մարզիկը 5-0 հաշվով հաղթեց իր առաջին մենամարտն Աշխարհի առաջնությունում՝ ԱՄՆ-ի ներկայացուցիչ Յոհենրի Ռոսարիոյի (Yohenrry Rosario) դեմ։

Հիշեցնենք, որ տղամարդկանց բռնցքամարտի աշխարհի առաջնությունը տեղի է ունենում Դուբայում դեկտեմբերի 2-ից 13-ը։ Ախալքալաքի բռնցքամարտիկ Արտյուշ Գոմցյանը նույնպես մասնակցում է դրանում։

Արտյուշ Գոմցյանն աշխարհի առաջնությունում հանդես է գալիս 60 կգ քաշային կարգում։ Նրա անձնական մարզիչն է Ատոմ Էլիզբարյանը։ Դուբայում կայացող բռնցքամարտի աշխարհի առաջնությունում հանդես են գալիս աշխարհի ուժեղագույն բռնցքամարտիկները։

Ատոմ Էլիզբարյանի խոսքով՝ նա լավ մարզավիճակում է և ունի մարտական ոգի։

Տարվա գլխավոր բռնցքամարտի մրցաշարին 13 քաշային կարգերում մասնակցում են 108 երկրների 428 բռնցքամարտիկներ։ Արտյուշ Գոմցյանը Վրաստանի հավաքականի կազմում է։