Numbeo-ի տվյալներով՝ Վրաստանը տարածաշրջանում առողջապահության որակի առումով ամենացածր տեղերից մեկում է։

Մասնավորապես, 2025 թվականի առաջին կեսի դրությամբ, Վրաստանն առողջապահության որակի առումով 99 երկրների շարքում զբաղեցնում է 77-րդ տեղը։ Հարևան երկրներից միայն 90-րդ տեղը զբաղեցնող Ադրբեջանn է հետ մնում Վրաստանից։

Տարածաշրջանում լավագույն արդյունքը գրանցել է Թուրքիան՝ 99 երկրների շարքում զբաղեցնելով 27-րդ տեղը, որին հաջորդում են Ռուսաստանը՝ 57-րդ տեղում, իսկ Հայաստանը՝ 61-րդ տեղում։

Նույն ուսումնասիրության համաձայն՝ ուսումնասիրված երկրների շարքում առողջապահության որակի առումով Թայվանն առաջատարն է աշխարհում, իսկ Սիրիան՝ վերջին տեղում։

Ավելի կոնկրետ, առողջապահության որակի առումով լավագույն տասնյակի երկրներն են՝

• Թայվան,
• Հարավային Կորեա,
• Նիդերլանդներ,
• Ճապոնիա,
• Ավստրիա,
• Դանիա,
• Էկվադոր,
• Ֆինլանդիա,
• Իսպանիա,
• Թաիլանդ։

Տասը վատագույն երկրներն են՝

• Սիրիա,
• Վենեսուելա,
• Բանգլադեշ,
• Չեռնոգորիա,
• Իրաք,
• Մարոկկո,
• Եգիպտոս,
• Ալբանիա,
• Նիգերիա;
• Ադրբեջան։

Numbeo-ի տվյալները հիմնված են օգտատերերի տվյալների և վարկանիշների վրա։ Վիճակագրության մեջ ներկայացված երկրները դասակարգվում են հետևյալ չափանիշներով՝ բժշկական անձնակազմի կոմպետենտություն, ժամանակակից ախտորոշման և բուժման համար անհրաժեշտ սարքավորումների առկայություն և որակ, հաշվետվությունների ճշգրտություն և ամբողջականություն, անձնակազմի բարյացակամություն և քաղաքավարություն, բժշկական հաստատությունների մատչելիություն, բժշկական հաստատությունների սպասման և արձագանքման ժամանակներ և այլն։