Հայ բռնցքամարտիկ Օթար Երանոսյանը (16-0, 6 KO) տպավորիչ հաղթանակ տարավ մեքսիկացի Էմանուել Դոմինգեսի (27-12-2, 19 KO) նկատմամբ՝ մենամարտն ավարտելով չորրորդ ռաունդում տպավորիչ նոկաուտով: Մենամարտը տեղի է ունեցել հոկտեմբերի 18-ին ԱՄՆ-ի Լոնգ Բիչ քաղաքում:

Էմանուել Դոմինգեսը 40 պրոֆեսիոնալ մենամարտ է անցկացրել, որից 30-ը նա հաղթանակով է ավարտել։ Դոմինգեսի և Երանոսյանի միջև մենամարտը պետք է տևեր 10 ռաունդ, սակայն մենամարտի ելքը որոշվեց չորրորդ ռաունդում՝ ուժեղ հարվածի արդյունքում նոկաուտով։

Այս հաղթանակի շնորհիվ Վրաստանի Ախալքալաք քաղաքից 32-ամյա մարզիկը նվաճեց կիսաթեթև քաշային կարգի չեմպիոնական Jr. NABF գոտին և պահպանեց իր անթերի ցուցակը։

2025 թվականի սկզբին Երանոսյանը վերադարձավ ռինգ երկամյա ընդմիջումից հետո։ Այս մենամարտում նա ցուցադրեց գերազանց մարզավիճակ և մտադիր է շարունակել աշխարհի տիտղոսի համար պայքարը։

«Ընտանիքս ինձ հետ էր և ինձ հաղթանակի ուժ տվեց», — Jnews-ին տված հարցազրույցում ասել է Օթար Երանոսյանը։