Շրջակա միջավայրի ազգային գործակալության տվյալներով` հուլիսի 16-ի կեսօրից մինչև հուլիսի 17-ի ավարտը Վրաստանում սպասվում է կարճատև անձրև՝ ամպրոպով, որոշ տեղերում հորդառատ կարկուտ և ամպրոպների ժամանակ ուժեղ քամի։

Սպասվող տեղումները կարող են առաջացնել ջրհեղեղներ Վրաստանի փոքր գետերում, իսկ լեռնային գոտիներում՝ սողանքների և ցեխահողերի սկիզբ կամ ակտիվացում։ Վտանգավորության մակարդակը՝ միջին:

Հուլիսի 18-ից կրկին կպահպանվի առանց տեղումների եղանակը։

«Թբիլիսիում սպասվում են կարճատև անձրևներ՝ ամպրոպներով։ Ամպրոպների ժամանակ հնարավոր է կարճատև քամու ուժգնացում։ Օրվա ընթացքում օդի ջերմաստիճանը +33, +35 աստիճան։

Արևելյան Վրաստանի բարձրլեռնային շրջաններում (Ախալքալաք, Ծալկա, Բակուրիանի, Գուդաուրի, Օմալո). որոշ վայրերում կարճատև անձրև՝ ամպրոպով և ուժեղ քամով։ Որոշ վայրերում հնարավոր է կարկուտ։ Օդի ջերմաստիճանը օրվա ընթացքում՝ +20, +25 աստիճան», — ասվում է Շրջակա միջավայրի ազգային գործակալության հաղորդագրության մեջ։

Ափամերձ շրջաններում (Բաթումի, Քոբուլեթի, Անակլիա, Փոթի). տեղ-տեղ կարճատև անձրևներ՝ ամպրոպով և ուժեղ քամիով: Օդի ջերմաստիճանը օրվա ընթացքում՝ +28, +30 աստիճան:

Կախեթիում (Սագարեջո, Թելավի, Գուրջաանի, Սիղնաղի, Լագոդեխի, Կվարելի, Ախմետա, Դեդոպլիցղարո). տեղ-տեղ կարճատև անձրևներ՝ ամպրոպով և ուժեղ քամով: Տեղ-տեղ հնարավոր է կարկուտ: Օրվա ընթացքում օդի ջերմաստիճանը +34, +36 աստիճան է: