Այսօր Ախալքալաքում, քաղաքի կենտրոնական մարզադաշտում, տեղի ունեցավ ֆուտբոլային հանդիպում Ախալքալաքի «Աբուլ» և «Բորջոմի-2» թիմերի միջև: Ախալքալաքի ֆուտբոլիստները մրցակցի դարպաս 9 գոլ ուղարկեցին:
Երկրպագուների ծափահարությունների ներքո գոլերը խփեցին Գուրգեն Գաբրիելյանը, Արթուր Փեշտմալջյանը, Կախա Մամուլաշվիլին, Ռոման Ավետիսյանը, Ստեփան Մարգարյանը (2), Լուկա Գագնիձեն (2) և Աղասի Պալոյանը:
Այս պահին «Աբուլ» ֆուտբոլային թիմը մարզային լիգայի մրցաշարային աղյուսակում զբաղեցնում է 3-րդ տեղը և ձգտում է բարձրանալ մրցաշարային աղյուսակի գագաթնակետին:
Թիմի հաջորդ խաղը կկայանա հունիսի 23-ին, Թբիլիսիում՝ «Վազիսուբանի» թիմի հետ:
Այժմ ընթանում են առաջին մրցափուլի խաղերը: Առաջին մրցափուլի վերջին խաղը կկայանա հուլիսի 1-ին: Երկրորդ մրցափուլում թիմը պետք է անցկացնի ևս 13 ֆուտբոլային հանդիպում:
