Շրջակա միջավայրի ազգային գործակալությունը հանրությանը զգուշացնում է առաջիկա օրերին սպասվող եղանակային պայմանների մասին։
Օդերևութաբանների կանխատեսումների համաձայն՝ հունիսի 16-17-ը Արևմտյան Վրաստանի որոշ շրջաններում հնարավոր են ուժեղ անձրևներ և ամպրոպներ, իսկ Արևելյան Վրաստանի որոշ շրջաններում հնարավոր է կարկուտ։ Սպասվում են նաև արևմտյան ուժեղ քամիներ։
«Սպասվող տեղումները կարող են հանգեցնել Վրաստանի գետերում ջրի մակարդակի զգալի բարձրացման, փոքր գետերում արագ ջրհեղեղների, ինչպես նաև բլրոտ և լեռնային տարածքներում սողանքների և սելավների առաջացման և ակտիվացման (վտանգի մակարդակը՝ միջին)», — ասվում է Շրջակա միջավայրի ազգային գործակալության հայտարարության մեջ։
