Մերաբ Դվալիշվիլին պահպանեց UFC-ի գերթեթև քաշային կարգի (61 կգ) չեմպիոնական գոտին։ Նյու Ջերսիում կայացած միջոցառման ժամանակ վրացի մարզիկը հաղթեց ամերիկացի Շոն Օ’Մալիին։

Դվալիշվիլին ակտիվորեն սկսեց մենամարտը և մրցակցին առաջարկեց բարձր տեմպ հենց սկզբից։ Շոն Օ’Մալլին ամբողջ մենամարտի ընթացքում փնտրում էր իր պահը, բայց 34-ամյա վրացի մարզիկը հաղթեց մենամարտը երրորդ ռաունդում։

Մերաբ Դվալիշվիլին չեմպիոնական տիտղոսը նվաճեց անցյալ տարվա սեպտեմբերին՝ հաղթելով Շոն Օ’Մալիին, իսկ այսօր նա պաշտպանեց այն իր կարիերայում երկրորդ անգամ։ Նա դա արեց առաջին անգամ՝ հունվարին Ումար Նուրմագոմեդովին հաղթելուց հետո։ Հատկանշական է, որ Նյու Ջերսիում կայացած UFC 316-ին ներկա էր նաև ԱՄՆ նախագահ Դոնալդ Թրամփը։

Մերաբ Դվալիշվիլին խառը մարտարվեստի 24 մենամարտերում ունի 20 հաղթանակ և 4 պարտություն։ Այս հաղթանակը նրա 13-րդն էր անընդմեջ։ Այս ցուցանիշով նա հավասար է Խաբիբ Նուրմագոմեդովին, Դեմետրիուս Ջոնսոնին, Ջորջ Սենթ Պիեռին, Մաքս Հոլոուեյին և Ջոն Ջոնսին։ Նրանցից ավել մենամարտ ունեն Կամարու Ուսմանին, Իսլամ Մախաչևը (15) և Անդերսոն Սիլվան (16)։

Վրացի մարտիկը վերջին անգամ պարտվել է 2018 թվականին, և այդ ժամանակից ի վեր նա հաղթել է UFC-ի չորս նախկին չեմպիոնների՝ գերթեթև քաշային կարգի գոտուն հասնելու ճանապարհին։