«Փետրվարին Վրաստան փոխանցված միջոցների ծավալը նախորդ տարվա նույն ժամանակահատվածի համեմատ նվազել է 5,3%-ով և կազմել 252,3 մլն դոլար, իսկ Վրաստանից փոխանցված միջոցների ծավալը նվազել է 2,0%-ով և կազմել 28,7 մլն դոլար»,- ասված է Ազգային բանկի զեկույցում։

Ազգային բանկի տվյալներով՝ դրամական փոխանցումների ծավալի տարեկան անկումը մեծապես պայմանավորված է Ռուսաստանից փոխանցումների կրճատմամբ։

«Փետրվարին Ռուսաստանից դրամական փոխանցումների ծավալը նախորդ տարվա նույն ժամանակահատվածի համեմատ նվազել է 44,7%-ով՝ կազմելով 30,3 մլն դոլար։ Սակայն, ԱՄՆ-ից և Իսրայելից փոխանցումների ծավալը շարունակել է աճել՝ համապատասխանաբար 13,9%-ով և 6,4%-ով։ Տրանսֆերտների հիմնական աղբյուրները եղել են ԵՄ երկրները (43,9%), ԱՄՆ-ը (18,8%) և Ռուսաստանը (12,0%)։ ԵՄ երկրներից ուշագրավ է Իտալիայի, Հունաստանի և Գերմանիայի բարձր տեսակարար կշիռը»,- ասված է Ազգային բանկի տեղեկատվության մեջ։