Վրաստանում պարտադիր է ուսումնական հաստատությունների հավաստագրումը։ Հավաստագրման գործընթացը մեկնարկել է 2023 թվականին։ Ախալքալաքի մունիցիպալիտետի թվով 65 դպրոցներից ընդամենը 3-ը, իսկ Նինոծմինդայի մունիցիպալիտետի թվով 38 դպրոցներից ընդամենը 2-ը հավաստագրում ունի։
Ընդգծենք, որ դպրոցների հավաստագրման գործընթացը սկսվել է 2023 թվականին, և աստիճանաբար պետք է ավարտվի մինչև 2030-2031 ուսումնական տարվա սկիզբ։
2025 թվականի փետրվարի 3-ի տվյալներով, Վրաստանում կա 464 դպրոց, որոնք ստացել են հավաստագրում։ Ախալքալաքում և Նինոծմինդայում հավաստագրում են ստացել հետևյալ դպրոցները՝ Ախալքալաքի մունիցիպալիտետի Պտենիայի հանրային դպրոցը, Ախալքալաքի մունիցիպալիտետի Չունչխայի հանրային դպրոցը, Ախալքալաքի Ի․ Ճավճավաձեի անվան №3 հանրային դպրոցը, Նինոծմինդայի մունիցիպալիտետի Գորելովկայի №3 հանրային դպրոցը և Նինոծմինդայի №4 հանրային դպրոցը։
Հավաստագրումն ուսումնական հաստատության կարգավիճակ ստանալու ընթացակարգ է, որի նպատակն է ապահովել համապատասխան գործունեության իրականացման համար անհրաժեշտ չափորոշիչների կատարումը՝ պետության կողմից ճանաչված կրթությունը հաստատող փաստաթուղթ տալու համար:
Դպրոցների համար կան հստակ և հատուկ որոշված չափորոշիչներ։ Դրանք են՝
ա) դպրոցական փիլիսոփայություն (դպրոցի առաքելությունը, տեսլականը և արժեքները, դպրոցի պլանավորումն ու զարգացումը),
բ) դպրոցական ծրագիր (ուսումնական պլանի մշակում, ուսումնական ծրագրի իրականացում, ուսումնական ծրագրերի մոնիթորինգ և գնահատում, ուսումնական պլանի վերանայում),
գ) ուսումնական գործընթացի վարչական և ենթակառուցվածքային աջակցություն (անձնակազմի կառավարում, անձնակազմի զարգացում, գործընթացների կառավարում, մարդկանց և գործընթացների անվտանգություն, նյութական ռեսուրսներ և ենթակառուցվածքներ, տեղեկատվական ռեսուրսներ, ֆինանսական ռեսուրսներ),
դ) աշակերտների աջակցություն (ուսանողների իրավունքների պաշտպանություն, ուսանողների աջակցության միջոցառումներ)։
Հանրակրթական հաստատության թույլտվության չափանիշներին համապատասխանությունը գնահատվում է չորս մակարդակի սանդղակով՝ «համապատասխանում է ստանդարտի պահանջներին», «մեծ մասամբ համապատասխանում է ստանդարտի պահանջներին», «մասամբ համապատասխանում է ստանդարտի պահանջներին» և «չի համապատասխանում ստանդարտի պահանջներին»։
Հանրակրթական հաստատության «փնտրող» կարգավիճակ ճանաչելու դեպքում հանրակրթական հաստատությունը վճարում է հավաստագրման վճարը՝ հետևյալ չափով։
Հավաստագրման կամ այն մերժելու որոշումը կայացվում է հավաստագրման վճարի վճարումը հաստատող փաստաթուղթը պաշտոնապես Կենտրոնին ներկայացնելուց 180 օրացույցային օրվա ընթացքում։ Հանրակրթական հաստատության հավաստագրոմը հաստատող թույլտվությունը տրվում է 9 տարի ժամկետով։ Իսկ հավաստագրման հայտի վերանայման վճարը կազմում է 500 լարի։
