Լարիով տրված վարկերի տոկոսադրույքներն աճել են: Այս մասին է վկայում Ազգային բանկի հրապարակած վիճակագրությունը։

Մասնավորապես, 2024 թվականի դեկտեմբերին ազգային արժույթով տրված վարկերի տոկոսադրույքը կազմել է 12,63%՝ ամսական կտրվածքով աճելով 0,6%, իսկ տարեկան կտրվածքով՝ 1,37%։

Նույն տվյալներով՝ 2024 թվականի նոյեմբերին լարիով տրամադրված վարկերի միջին տոկոսադրույքը կազմել է 12,03%, իսկ 2023 թվականի դեկտեմբերին՝ 11,26%։

Վրաստանի Ազգային բանկի տվյալներով՝ սպառողական վարկերի տոկոսադրույքը 2024 թվականի դեկտեմբերին աճել է տարեկան 0,27%-ով՝ հասնելով 18,16%-ի։ Մինչդեռ երաշխավորված վարկերի տոկոսադրույքը (լարիով) կազմել է 14,66%, ինչը 1,42%-ով գերազանցում է նախորդ տարվա նույն ժամանակահատվածի ցուցանիշը։

Վիճակագրության համաձայն՝ 2024 թվականին լարիով տրված վարկերի տոկոսադրույքն ըստ ամիսների փոփոխվել է հետևյալ կերպ.

• հունվար – 11,49%
• փետրվար – 11,49%
• մարտ – 11,46%
• ապրիլ — 11,17%
• մայիս-11,3%
• հունիս – 11,4%
• հուլիս – 11,57%
• օգոստոս — 11,67%
• սեպտեմբեր – 11,8%
• հոկտեմբեր – 11,85%
• նոյեմբեր – 12,03%
• դեկտեմբեր – 12,63%

Վրաստանի Ազգային բանկի դրամավարկային քաղաքականության կոմիտեն 2025 թվականի հունվարի 29-ի իր նիստում անփոփոխ է թողել դրամավարկային քաղաքականության տոկոսադրույքը (վերաֆինանսավորման տոկոսադրույքը)՝ 8% մակարդակի վրա: