Ընտրությունների ավարտից հետո Ախալքալաքի մունիցիպալիտետում նախընտրական պաստառները դեռ մնում են փակցրած տեղերում, չնայած այն հանգամանքին, որ պաստառները մաքրելու, հեռացնելու վերջնաժամկետը մինչև դեկտեմբերի 6-ն է։
Ավարտվեցին ընտրությունները, սակայն նախընտրական պաստառներն ամենուր են՝ թե Ախալքալաքում, թե գյուղերում։ Այդ պաստառները պետք է մաքրվեն ընտրություններից ոչ ուշ, քան 41-րդ օրը, այսինքն՝ մինչև դեկտեմբերի 6-ը ներառյալ։ Ախալքալաքի մունիցիպալիտետում նախընտրական պաստառներն ընտրությունների ավարտից հետո երկար ժամանակ չի հեռացվում։ 2018 և 2020 թվականների ընտրությունների ժամանակ քաղաքը նախընտրական պաստառներից մաքրեցին Ախալքալաքի սպասարկման կենտրոնի աշխատակիցները։
Վրաստանի ընտրական օրենսգիրքի, 46-րդ հոդվածի 1-րդ կետի համաձայն՝ քարոզչական նյութերը կարող են ցուցադրվել շենքերի և այլ օբյեկտների վրա՝ դրանց սեփականատերերի համաձայնությամբ:
Նույն հոդվածի 8-րդ կետի (qարոզչական նյութ) համաձայն՝ համապատասխան ընտրական սուբյեկտը պարտավոր է ընտրությունների վերջնական արդյունքների պաշտոնական հրապարակումից հետո 15-օրյա ժամկետում ապահովել քարոզչական նյութերի հեռացումը։ Հակառակ դեպքում կենթարկվեն Վրաստանի օրենսդրությամբ նախատեսված պատասխանատվության։ Դեկտեմբերի 6-ին մնացել է ընդամնեը 4 օր, Jnews-ը ուշի ուշով հետևում է կուսակցություններին, արդյո՞ք ժամկետի մեջ կհեռացնեն պաստառները։
Ընտրություններից ոչ ուշ, քան 41-րդ օրը, այսինքն՝ վերջնաժամկետը դեկտեմբերի 6-ն է։
Ախալքալաքում նախընտրական պաստառներ կարելի էր փակցնել հետևյալ վայրերում.
• Ազատության փողոցի հինգ հարկանի շենքի պատին
• «Սուրբ Խաչ» եկեղեցուն կից տեղադրված ստենդին
• Ազատության փողոցի թիվ 70 բազմահարկ շենքի ճակատային մասում
• Կենտրոնական զբոսայգու ցանկապատի վրա
• Նախկին թիվ 1 զինվորական ավանի բնակելի շենքերի պատերին
• 14-րդ ավանի երկհարկանի բնակելի շենքերի պատերին
• Ախալքալաք-Ախալցիխե ճանապարհի Շոթա Ռուսթավելի պուրակի պատին
• Խոսպիո գյուղի երկաթուղային կամրջի հենարանների վրա
Ե՞րբ են հեռացվելու նախընտրական պաստառները
