Այսօր՝ ժամը 13:30-ի սահմաններում, Ախալքալաքի մունիցիպալիտետի բնակիչները հավաքվել էին երկու վայրում՝ Թբիլիսիում իշխող «Վրացական երազանք» կուսակցության կազմակերպած հանրահավաքին մեկնելու համար։
Ախալքալաքի կենտրոնում հավաքվել էին հիմնականում կանայք և երիտասարդներ, որոնց թվում կարելի էր տեսնել տարբեր մունիցիպալ կառույցների, քաղաքապետարանի աշխատակիցների և այլոց։ Մյուս մասը հավաքվել էր Նինոծմինդայից դեպի Ախալքալաք մուտքի մոտ։
Այստեղ հավաքվել էին հիմնականում տարբեր տարիքի տղամարդիկ, ինչպես առաջին դեպքում՝ մունիցիպալ կառույցների ներկայացուցիչներ և տարբեր գյուղերի բնակիչներ։ Շարասյունը շարժվեց դեպի Նինոծմինդա, այնտեղից Թբիլիսի մոտ ժամը երկուսին։ Ինչպես մեզ հայտնեցին աղբյուրները, «Վրացական երազանք»-ը հանրահավաքին մասնակցելու համար գումար չի առաջարկել։ Սակայն, ինչպես միշտ, նա որոշակի գումար է վճարել սննդի համար և ապահովել տրանսպորտը։ Նախկինում անցկացված նմանատիպ միջոցառումների համեմատ այս անգամ հանրահավաքի մասնակիցները համեմատաբար քիչ էին։ Մենք չնկատեցինք ուսուցիչների և դպրոցի անձնակազմի մասնակցությունը։
Նշենք, որ Ախալքալաքից դուրս գալու ժամանակ շատ մեքենաներ կիսադատարկ են եղել։ Ընդհանուր առմամբ, մեր հաշվարկներով, ավտոշարասյունով ավելի քան 50 մեքենա (ներառյալ միկրոավտոբուսներ) և 2 ավտոբուս շարժվել է դեպի մայրաքաղաք։
