Ախալքալաքի մունիցիպալիտետում 2024 թվականի հունվարի 1-ից մինչև հիմա ծնվել է 198 երեխա: Անցած տարվա հետ համեմատ մունիցիպալիտետում ծնելիությունը նվազել է։ 2023 թվականին Ախալքալաքի հիվանդանոցում ընդհանուր ծնվել է 336 երեխա։
Ախալքալաքի ռեֆերալ հիվանդանոցում ընդհանուր լույս աշխարհ է եկել 198 երեխա, որից 106-ը տղա է ծնվել, իսկ 92-ը՝ աղջիկ:
Ծննդաբերություններից 43-ը եղել է կեսարյան հատմամբ: 2024 թվականի 9 ամիսների ընթացքում վիժումների թիվը կազմել է՝ 54:
Այս ամիսների ընթացքում նորածինների կամ նոր ծննդաբերած կանանց մահվան դեպք չի գրանցվել:
Հիշեցնենք, որ 2024 թվականն Ախալքալաքի մունիցիպալիտետում սկսվել էր աղջիկ երեխայի ծնունդով:
Հարկ է նշել, որ ըստ Վրաստանի վիճակագրական ծառայության տվյալների՝ 2024 թվականի հունվար-հունիս ամիսներին Վրաստանում ծնունդների թիվը կազմել է 18 633, նույն ժամանակահատվածում երկրում մահացել է 22 265 մարդ։
Ինչպես նաև 2024 թվականի առաջին կիսամյակում բնական աճը (կենդանի ծնվածների և մահացածների թվի տարբերությունը) բացասական է, այն սահմանվել է -3 632 մարդ։ Բնական աճի դրական ցուցանիշ է գրանցվել Թբիլիսիում (478) և Աջարիայի Ինքնավար Հանրապետությունում (621): Ախալքալաքի մունիցիպալիտետում ծնելիությունը նվազել է:
