![](https://jnews.ge/am/wp-content/themes/jnews-2.3/images/animal.png)
Վրաստանի Տարածաշրջանային զարգացման և ենթակառուցվածքների նախարարության Ճանապարհային դեպարտամենտից ստացված տեղեկատվության համաձայն՝ բնական երևույթների պատճառներով պարեկային ոստիկանությունը փակել է վրաց-ռուսական սահմանին դեպի «Դարիալի» անցակետ մուտքը։ Դեռ հայտնի չէ, թե երբ կբացվի անցակետը։
Ֆեյսբուքի «Իրավիճակը Վերին Լարս անցակետում» Ռուսաստան-Կովկաս, (ակտուալ նորություններ, հայտարարություններ) խմբի տեղեկության համաձայն՝ «Վրացական կողմի անցակետը փակ է առավոտյան ժամը 8-ից, ոչ ոքի թույլ չեն տալիս երկիր մտնել, պատճառը սելավն է, Թերեք գետում ջրի մակարդակի բարձրացումը։ Տեղեկություններ կան նաև, որ վրացական կողմի անցակետի անձնակազմը տարհանվել է։ Ռուսաստանի և Վրաստանի սահմանի երկու կողմերում մեքենաները սպասում են, որ անցնեն։