«Այն պնդումը, որ կազմակերպությունը կրում է օտար պետության շահերը միայն իր ֆինանսավորման աղբյուրի հիման վրա, անխուսափելիորեն կհանգեցնի նրանց չարդարացված խարանմանը»,- ասվում է ԵԽ փորձագիտական խորհրդի եզրակացության մեջ, գրում է newsgeorgia.ge-ն։
Եզրակացությունը բաղկացած է 164 կետից, որոնք շարադրված են 25 էջում, և օրենքը մանրամասն վերլուծված է։
Օրենքն անվանված է եվրոպական չափանիշներին լիովին չհամապատասխանող:
Եզրակացության մեջ նշվում է, որ «Օտարերկրյա ազդեցության թափանցիկության մասին» օրենքը կազդի միավորումների ազատության վրա։ Առանձնահատուկ ուշադրություն է դարձվում այն փաստին, որ այն ունի հետադարձ ուժ, ինչպես նաև այն, որ պարտավորեցնում է տրամադրել անձնական տեղեկատվություն, և այն կարող է հրապարակային դառնալ։
Ապրիլի 15-ից Վրաստանում անցկացվում են «Ո՛չ ռուսական օրենքին» ցույցեր՝ ուղղված «Վրացական երազանքի» նախաձեռնած «Օտարերկրյա ազդեցության թափանցիկության մասին» օրինագծի դեմ:
Փաստաթուղթը նախատեսում է գրանցվել այն հասարակական կազմակերպություններին և լրատվամիջոցներին, որոնք իրենց եկամտի ավելի քան 20%-ը ստանում են օտար երկրից։ Դրանք կներառվեն «արտաքին ուժի շահերը կրող կազմակերպությունների» ռեգիստրում։ Օրենքը նախատեսում է տուգանքների համակարգ այն իրավաբանական և ֆիզիկական անձանց համար, ովքեր հրաժարվում են գրանցվել կամ տեղեկատվություն տրամադրել:
Մայիսի 14-ին օրինագիծը վերջնական ընթերցմամբ աջակցել է իշխող կուսակցության 84 պատգամավոր։ Դրանից հետո նախագահը վետո է դրել, որը «Վրացական երազանքը» մտադիր է հաղթահարել հաջորդ շաբաթ։
Վրաստանի միջազգային գործընկերներն ասում են, որ օրենքի ընդունումը զգալիորեն կհեռացնի երկիրը Եվրամիությունից։
Իշխող կուսակցությունը պնդում է, որ վերջին տարիներին արևմտյան հիմնադրամները ՀԿ-ների և ԶԼՄ-ների միջոցով գաղտնի հեղափոխություն են նախապատրաստում Վրաստանում, և օրենքը պետք է դավադրությունը բացահայտելու համար։ Վարչապետ Իրակլի
Կոբախիձեն ասել է, որ օրենքի ուժի մեջ մտնելուց հետո «իրավիճակը Վրաստանում կհանդարտվի հարատև», և բևեռացումը կվերանա։
