Վրաստանի փոխվարչապետ և էներգետիկայի նախարար Կախա Կալաձեն կարծում է, որ փորձագետների և խորհրդարանական ընդդիմության ներկայացուցիչների հայտարարությունները էլեկտրաէներգիայի գների բարձրացման վերաբերյալ անհիմն են:
«Եթե լարիի դեվալվացիայի պատճառով պլանավորվի էլեկտրաէներգիայի սակագների (տարիֆների) վերանայում, այդ մասին մենք առաջինը տեղյակ կպահենք ձեզ», – հայտարարել է Վրաստանի փոխվարչապետ և էներգետիկայի նախարար Կախա Կալաձեն:
Էներգետիկայի նախարարը կոչ է անում չտրվել անտեղի անհանգստություններին:
«Էլեկտրաէներգիայի տարիֆները հաստատվում են համակարգող հանձնաժողովի կողմից, որը երեկ հայտարարություն է տարածել: Ներկա պահին էլեկտրաէներգիայի տարիֆները չեն բարձրանա: Այդ հայտարարությունը արվել է դեկտեմբերի 21-ին: Նրանք նաև քննարկեցին ջերմաէլեկտրակայանների տարիֆների հարցը: Սրա հետ կապված նկատվում է գների աճ, սակայն դա չի նշանակում, որ քաղաքացիները պետք է վճարեն ավելին»- հայտարարել է Կալաձեն, կոչ անելով ընդդիմության ներկայացուցիչներին և փորձագետներին զերծ մնալ աբսուրդային և ոչ հաստատված հայտարարություններից:
Լուսինե Աստոյան
