---

Ախալքալաքի մունիցիպալիտետը 104 աշխատանքային օրվա ընթացքում 378 երեխայի նախադպրոցական հաստատություններ տրանսպորտավորման համար հատկացրել է 190`602.00 լարի։ Մրցույթն արդեն կայացել է, այն շահել է անհատ ձեռներեց Գիորգի Ծուրծումիան։ Այժմ ընթանում է ընտրման և գնահատման գործընթացը:

Մունիցիպալիտետը տարեկան երկու անգամ միջոցներ է հատկացնում այն գյուղերի մանկապարտեզի սաների տեղափոխման համար, որտեղ չկան նախադպրոցական հաստատություններ։ Երեխաների տեղափոխման համար տարեսկզբին հատկացվել է 190 602 լարի։ Մրցույթն անհատ ձեռներեցը շահել է նույն գումարով, նա եղել է մրցույթի միակ մասնակիցը։ Տրանսպորտային փոխադրումները կսկսվեն 2024 թվականի փետրվարի 1-ից և դա կտևի 104 օր։ Փոխադրումն իրականացվում է միկրոավտոբուսներով։

Մունիցիպալիտետը պարտավոր է երեխաների նախադպրոցական կրթությունն ապահովել, հետևաբար, այն գյուղերում, որտեղ մանկապարտեզներ չկան, տեղական բյուջեի միջոցներով ապահովվում է երեխաների փոխադրումն այլ գյուղերի կամ քաղաքի մանկապարտեզներ։

Ահա Ախալքալաքի մունիցիպալիտետի մանկապարտեզների միավորման ցուցակը, ըստ որի երեխաները պետք է փոխադրվեն այլ տեղերի մանկապարտեզներ.

Էխտիլա գյուղից Բարալեթ՝ 22 երեխա,

Մերենիայից Բարալեթ՝ 18,

Բոզալիից Սուլդա՝ 7,

Կորխից Ախալքալաքի թիվ 3 մանկապարտեզ՝ 14,

Մաջադիայից Ախալքալաքի թիվ 3 մանկապարտեզ՝ 9,

Բավրայից մինչև Ախալքալաքի թիվ 3 և թիվ 2 մանկապարտեզներ՝ 20,

Խոսպիոյից մինչև Ախալքալաքի թիվ 1 և թիվ 2 մանկապարտեզներ՝ 11,

Մուրջախեթից, Չամդուրայից մինչև Վաչիան գյուղի մանկապարտեզ՝ 19,

Զակ, Օլավերդ գյուղերից մինչև Բարալեթ գյուղ՝ 20,

Բուղաշենից և Տրկնայից մինչև Բարալեթ գյուղ՝ 15,

Բեժանոյից և Ալաթումանից մինչև Կաջո՝ 21,

Ագանայից և Սիրկվայից մինչև Կաջո՝ 18,

Դադեշից Սուլդա՝ 23,

Բուզավեթից Կուլիկամ՝ 7,

Օրջայից Ախալքալաքի թիվ 3 մանկապարտեզ՝ 17,

Կարտիկամից Ախալքալաքի թիվ 2 մանկապարտեզ՝ 26,

Հոկամիից Վաչիան՝ 15,

Աբուլ գյուղից Կուլիկամ գյուղ՝ 5,

Արագվայից Ախալքալաքի թիվ 3 մանկապարտեզ՝ 21,

Ազմանայից, Քարսեպից, Ափնիայից մինչև Գոգաշեն գյուղ՝ 10,

Ղադոլարից Ազավրեթ գյուղ՝ 10,

Բուռնաշեթ, Լոմատուրցխ գյուղերից մինչև Ազավրեթ գյուղ՝ 10,

Կիրովական գյուղից Կումուրդոյի մանկապարտեզ՝ 15,

Խորենիա գյուղից մինչև Ախալքալաքի թիվ 3 մանկապարտեզ՝ 13,

Բալխո գյուղից մինչև Բարալեթի մանկապարտեզ՝ 12:

Մրցութային փաստաթղթերի համաձայն՝ երեխաները պետք է մանկապարտեզում լինեն ժամը 9:00-ից մինչև 18:00-ն: